وفاقی وزیرنے پولیو کے قطرے نہ پلوانے والے والدین کو گرفتار کرنے سے روک دیا

پولیو کیسز کی تعداد میں اضافہ

اسلام آباد (ڈیلی پاکستان آن لائن) وفاقی وزیر صحت سید مصطفیٰ کمال نے سینیٹ اجلاس میں توجہ دلاؤ نوٹس پر جواب دیتے ہوئے کہا رواں سال پولیو کے 14 کیسز سامنے آئے، جس سے یہ واضح ہوتا ہے کہ پولیو ہمارے ماحول میں موجود ہے۔

یہ بھی پڑھیں: جے یو آئی (ف) کا کینالز معاملے پر تحریک کو تیز کرنے کا فیصلہ

غلط فہمیوں کا خاتمہ

پولیو ویکسین کے حوالے سے لوگوں کے ذہنوں میں موجود غلط فہمی دور کرنے کی ضرورت ہے۔

یہ بھی پڑھیں: عدالت نے خلع لینے والی خاتون کو بھی حق مہر کا حقدار قرار دے دیا

والدین کی گرفتاری کے خلاف اقدامات

ایکسپریس نیوز کے مطابق وفاقی وزیر صحت نے آگاہ کیا کہ پولیو کے قطرے پلانے سے انکار کرنے والے والدین کو پولیس کے ذریعے گرفتار کرنے سے روک دیا ہے اور اس مسئلے کا حل نکالنے کے لئے اقدامات کر رہے ہیں۔

پاکستان میں پولیو وائرس کا پھیلاؤ

انہوں نے کہا کہ بلوچستان کا خود دورہ کیا، ان علاقوں میں کیسز آئے جہاں ہماری رسائی نہیں تھی۔ پورے پاکستان کے مختلف اضلاع سے پولیو کے نمونے مثبت آرہے ہیں، اس کا مطلب ہے کہ ہمارے ماحول میں پولیو وائرس موجود ہے، جو پولیو کے قطرے پی رہے ہیں وہی لوگ محفوظ ہیں۔