وزیراعلیٰ مریم نواز سے سپیکر پنجاب اسمبلی ملک محمد احمد خان کی ملاقات

ملاقات کا پس منظرت

لاہور (ڈیلی پاکستان آن لائن) وزیراعلیٰ مریم نواز سے سپیکر پنجاب اسمبلی ملک محمد احمد خان نے ملاقات کی۔ ملاقات میں صوبے کی مجموعی سیاسی و انتظامی صورتحال پر تبادلۂ خیال کیا گیا۔

یہ بھی پڑھیں: پاک بھارت کشیدگی، عسکری الیون سمیت چند دیگر ہاؤسنگ سوسائٹیز کو خالی کروانے کی افواہوں کی حقیقت سامنے آگئی

مہنگائی اور انتظامی چیلنجز

سپیکر پنجاب اسمبلی ملک محمد احمد خان نے مہنگائی، تجاوزات اور قبضہ مافیا کے سدباب کیلئے پیرا کے قیام پر خراج تحسین پیش کیا اور مون سون کے دوران حکومت پنجاب کے موثر اقدامات کو سراہا۔

یہ بھی پڑھیں: حکومت نے نجی شعبے سے 7 وفاقی سیکرٹریز بھرتی کرنے کیلیے اشتہار دے دیا

وزیراعلیٰ کی ترجیحات

وزیراعلیٰ مریم نواز نے سپیکر پنجاب اسمبلی ملک محمد احمد خان سے گفتگو کرتے ہوئے کہا کہ پیرا جیسے ادارے کے قیام سے عام آدمی کو ریلیف ملے گا۔ پنجاب کے ہر فرد کی فلاح میری ترجیح ہے یہی سوچ ہر فیصلے کی بنیاد ہے۔ عوام کی بنیادی سہولیات تک رسائی میرا نصب العین ہے۔

عوامی خدمت کا عزم

سپیکر پنجاب اسمبلی ملک محمد احمد خان نے کہا کہ وزیر اعلیٰ پنجاب سیاست سے بالاتر ہو کر عوام کی خدمت کر رہی ہے، ہر طبقہ مطمئن نظر آتا ہے۔ پہلی بار ترقیاتی منصوبوں کا مرکز صرف لاہور یا بڑے شہر نہیں بلکہ پنجاب کے ہر پسماندہ علاقہ بھی ہے۔