ملتان میں دفتر اور رہائش کے لیے بہاولپور روڈ صدر کے علاقے میں کوٹھی کا نصف حصّہ حاصل کیا گیا، اس عمارت کا کرایہ اس دور میں 175 روپے تھا۔
مصنف: رانا امیر احمد خاں
قسط: 97
یہ بھی پڑھیں: حریم شاہ اور ہمایوں سعید کی پرانی ویڈیو وائرل
فیلڈ آفس ملتان میں پہلی پوسٹنگ
ملتان میں آفس و رہائش کے لئے بہاولپور روڈ صدر کے علاقہ میں ایک بڑی کوٹھی کا نصف پورشن حاصل کیا گیا۔ اس عمارت کا کرایہ اس دور میں 175 روپے تھا، جس میں سے اپنی رہائش کا کرایہ 75 روپے میں دیتا تھا۔ باقی 100 روپے کی ادائیگی آفس کی طرف سے ہوتی تھی۔
آفس کی تفصیلات
میرے ساتھ آفس میں صرف ایک فلم آپریٹر محمد عاشق، ایک موٹیویٹر آباد علی اور ایک ٹائپسٹ تھا۔ 3 کمرے آفس کے لئے مختص تھے اور عقب میں میری رہائش ایک بیڈ روم، برآمدہ، صحن پر مشتمل تھی۔
خدمات کا آغاز
ملتان میں فیملی پلاننگ ایسوسی ایشن کی جانب سے ڈسٹرکٹ آفس کا قیام فیملی پلاننگ ایسوسی ایشن کی خدمات کے پروگرام کو مربوط اور منظم کرنے کا آغاز تھا۔ میرے فیلڈ سٹاف میں 2 لیڈی ہیلتھ وزٹرز شامل تھیں جن کی نگرانی نشتر ہسپتال ملتان کے گائناکالوجسٹ پروفیسر ڈاکٹر راشد لطیف کرتے تھے۔ تیسری لیڈی ہیلتھ وزیٹر شجاع آباد روڈ پر ملتان سے 25 کلو میٹر گاؤں رنگیل پور میں تعینات تھی۔
موٹیویٹر کی ذمہ داریاں
ایک موٹیویٹر ملتان شہر میں مردوں کو فیملی پلاننگ کے بارے میں آگاہی اور خدمات دینے کے لئے تعینات تھا۔ میرے بنیادی فرائض میں ہیڈ آفس لاہور سے خط و خطابت ملتان کے فیلڈ سٹاف کی سہ ماہی رپورٹیں مرتب کرکے ارسال کرنا، اپنا ماہانہ وزٹ پروگرام ترتیب دینا اور اس کے مطابق فیلڈ سٹاف کے کام کی نگرانی و ٹریننگ شامل تھی۔
فلم آپریٹر کی ذمہ داریاں
فلم آپریٹر کا کام گاؤں و شہر کے مختلف مقامات پر لوگوں کے لئے خاندانی منصوبہ بندی کی دستاویزی فلمیں دکھانا تھا۔ مہینے میں کم از کم 10 فلم شوز کا انعقاد فلم آپریٹر کی ذمہ داری تھی۔
آرگنائزنگ کمیٹی
فیملی پلاننگ ایسوسی ایشن کے سروس پروگرام میں ڈسٹرکٹ لیول اور پروجیکٹ لیول پر مقامی بااثر شخصیات کی ایک رضاکارانہ آرگنائزنگ کمیٹی قائم کی گئی تھی۔ ملتان ڈسٹرکٹ آفس کی آرگنائزنگ کمیٹی میں صدر بیگم زبیدہ رحمان، جنرل سیکرٹری رانا محمد یعقوب اور فنانس سیکرٹری ڈاکٹر اعجاز چودھری شامل تھے۔
تنخواہوں اور انتخابات
ڈسٹرکٹ سٹاف آفیسر اپنے فرائض کی انجام دہی ڈسٹرکٹ آرگنائزنگ کمیٹی عہدیداران کی مشاورت سے انجام دیتے تھے۔ ہر 2 سال بعد کل مقامی اراکین پر مشتمل جنرل باڈی کے اجلاسوں میں صدر، جنرل سیکرٹری، فنانس سیکرٹری کا انتخاب کیا جاتا تھا۔
تعلیمی پس منظر
ملتان میں گیلانی اسلامیہ لاء کالج کے نام سے ایک لاء کالج بھی قائم تھا، جہاں میں نے شام کی کلاسوں میں داخلہ لیکر ایل ایل بی لاء کورس مکمل کر لیا۔ پنجاب یونیورسٹی لا کالج سے گزشتہ سال 1971ء میں میرا ایف ای ایل اور گیلانی اسلامیہ کالج سے 1972ء میں ایل ایل بی میں مکمل ہوئی۔
مطالعے اور کیریئر
اگر یوتھ موومنٹ میں کام نہ کررہا ہوتا تو میرا لاء کورس 1963ء میں بی۔ اے کرنے کے بعد 1965ء میں مکمل ہونا چاہئے تھا، جو کہ 1972ء میں 7 سال بعد مکمل ہوا۔
(جاری ہے)
نوٹ: یہ کتاب "بک ہوم" نے شائع کی ہے (جملہ حقوق محفوظ ہیں) ادارے کا مصنف کی آراء سے متفق ہونا ضروری نہیں۔
