اگر مسائل حل نہ ہوئے تو احتجاج ہوگا، صدر کراچی چیمبر

کاروباری طبقے کے مسائل

کراچی (ڈیلی پاکستان آن لائن) کراچی چیمبر آف کامرس کے صدر جاوید بلوانی کا کہنا ہے کہ اگر کاروباری طبقے کے مسائل حل نہیں ہوں گے تو بھرپور احتجاج ہوگا۔

یہ بھی پڑھیں: پی آئی اے کی نجکاری کے لیے عارف حبیب کنسورشیم نے دوسرے مرحلے میں 121 ارب روپے کی بولی لگادی

ایف بی آر کی پالیسی

کراچی میٹرز کے ساتھ گفتگو کرتے ہوئے انہوں نے کہا چیئرمین ایف بی آر کہہ رہے ہیں کہ ٹیکس پیئر کو نچوڑ کر ٹیکس نکالیں گے، ایسا کریں گے تو لوگ بھاگ جائیں گے۔

یہ بھی پڑھیں: اداکارہ نرگس نے ایک اور اداکارہ سمیت 10 یوٹیوبرز کے خلاف مقدمہ درج کرا دیا

پاکستان کی حالت

انہوں نے سوال اٹھایا کہ پاکستان میں کون سی چیز اچھی ہے جس کی تعریف کی جائے، نہ بجلی، نہ گیس، نہ سڑکیں، نہ انفراسٹرکچر ہے، اس کے باوجود ہم پاکستان میں بزنس کر رہے ہیں ، ہم سے بڑا تو کوئی مجاہد ہے ہی نہیں، ہم تو جہاد کر رہے ہیں۔

احتجاج کا امکان

انہوں نے کہا کہ کاروباری شخص کبھی نہیں چاہے گا کہ احتجاج کرنا پڑے لیکن ڈوبتا ہوا شخص کیا کرے، اگر مسائل حل نہیں ہوتے تو بھرپور احتجاج کیا جائے گا۔