اگلے چند گھنٹوں میں کارکنوں کے ساتھ عمران خان کے اشارے پر جو کچھ ہونے والا ہے وہ سیاسی تاریخ کا غلیظ ترین عمل ہو گا: سینئر صحافی حماد حسن
سیاسی تاریخ کا غلیظ ترین عمل
لاہور (ڈیلی پاکستان آن لائن) سینئر صحافی حماد حسن نے دعویٰ کیا ہے کہ اگلے چند گھنٹوں میں قربانیاں دینے والے کارکنوں کے ساتھ عمران خان کے اشارے پر جو کچھ ہونے والا ہے، وہ سیاسی تاریخ کا غلیظ ترین عمل ہوگا۔
یہ بھی پڑھیں: پاکستان پہلگام ڈرامے کو بے نقاب کرنا چاہتا ہے، دنیا کو حقائق پتہ چلنے چاہئیں: محسن نقوی
عمران خان کا سخت بیان
تفصیلات کے مطابق ایکس پر جاری پیغام میں صحافی حماد حسن کا کہنا ہے کہ فیلڈ مارشل کے خلاف علیمہ خان کے ذریعے عمران خان کا انتہائی سخت بیان در اصل اپنی "واردات" سے توجہ ہٹانے کے لئے دیا گیا ہے۔
اگلے چند گھنٹوں میں قربانیاں دینے والے کارکنوں کے ساتھ عمران خان کے اشارے پر جو کچھ ہونے والا ہے وہ سیاسی تاریخ کا غلیظ ترین عمل ہوگا!
فیلڈ مارشل کے خلاف علیمہ خان کے ذریعے عمران خان کا انتہائی سخت بیان در اصل اپنی "واردات" سے توجہ ہٹانے کے لئے دیا گیا!— Hammad Hassan (@HammadHassan30) July 15, 2025
یہ بھی پڑھیں: چوہدری ارشد وڑائچ شرافت کی سیاست کا پیکر تھے، خدمات کو تادیر یاد رکھا جائے گا:وزیر اعلیٰ پنجاب
علیمہ خان کے پیغامات
یاد رہے کہ علیمہ خان نے عمران خان کے دو پیغامات میڈیا سے گفتگو کرتے ہوئے بتائے، جس میں ان کا کہنا تھا کہ بانی نے آج دو اہم پیغامات دیے ہیں۔ بانی کا کہنا ہے کہ ان کے ساتھ اور بشریٰ بی بی کے ساتھ ظلم ہو رہا ہے۔ انہوں نے کہا کہ ٹی وی اور اخبارات کو بند کر دیا گیا ہے، اور جیل میں ان کے ساتھ سپرنٹنڈنٹ اور کرنل نے انسانی حقوق کا خاتمہ کر دیا ہے۔ بانی نے کہا کہ ہمارے ساتھ جو سلوک روا رکھا جا رہا ہے، اس کا حساب ہونا چاہیے۔ انہوں نے الزام عائد کیا کہ یہ سب کچھ آرمی چیف فیلڈ مارشل عاصم منیر کے کہنے پر کیا جا رہا ہے۔
یہ بھی پڑھیں: افغانستان میں زلزلے کے بعد امدادی کارروائیاں جاری، برطانیہ کا دس لاکھ پاؤنڈ، افغان سرمایہ کار کا متاثرین کے لیے 50 کروڑ افغانی روپے کی امداد کا اعلان
لاہور میں اجلاس اور اختلافات
علیمہ خان کے مطابق لاہور میں ہونے والے اجلاس سے متعلق بات کرتے ہوئے بانی نے کہا کہ پارٹی میں جان بوجھ کر اختلافات پیدا کیے جا رہے ہیں۔ ان کا کہنا تھا کہ ذاتی اختلافات ختم کریں اور سارا فوکس تحریک پر رکھیں۔ بانی تین سو پارلیمنٹرینز کے لاہور جا کر مشاورت کرنے پر خوش ہوئے ہیں۔ بانی نے وارننگ دی کہ جو پارٹی میں اختلاف پیدا کرے گا، اس کو وہ خود دیکھ لیں گے۔ انہوں نے کہا کہ ہم جیلوں میں بیٹھے ہیں اور آپ لوگ اختلافات پیدا کر رہے ہیں۔ ہم یہاں دو سال سے جیل آ رہے ہیں۔
یہ بھی پڑھیں: بیکڈ پچ پر سپنرز کا جادو: “پوری دن صنعتی پنکھے چلتے رہے، اب تو سپن ہونا ضروری ہے”
بانی کی رہائی کا مطالبہ
علیمہ خان نے کہا کہ ہماری فیملی پارٹی کے تمام فیصلوں کے ساتھ کھڑی ہے اور ہم چاہتے ہیں کہ بانی کے پیغامات پر مکمل عملدرآمد ہو۔ اب وقت آ گیا ہے کہ بانی کی رہائی کے لیے راستہ بنایا جائے۔ انہوں نے مطالبہ کیا کہ جیل سپرنٹنڈنٹ بانی کے ساتھ غیر انسانی سلوک بند کرے۔
پالیسی کا فیصلہ
بہنوں کے مطابق بانی کا یہ بھی کہنا تھا کہ اب فیصلہ پارلیمنٹرینز نے کرنا ہے کہ وہ سیاست میں رہنا چاہتے ہیں یا نہیں۔ انہوں نے کہا کہ مذاکرات کس بات پر ہوں؟ صرف بانی کے کیسز سن لیں، بات ختم ہو جائے گی۔
