دہشتگردی کا الزام، سعودی عرب میں ایک اور شخص کا سرقلم کردیا گیا

سعودی عرب میں دہشت گردی کا ایک معاملہ

ریاض(ویب ڈیسک) سعودی عرب میں دہشت گردی اور وطن دشمنی پر سعودی شہری کا سرقلم کردیا گیا جس کی تصدیق سعودی وزارت داخلہ نے بھی کی۔

یہ بھی پڑھیں: رافیل نڈال: ‘کلے کورٹ کے بادشاہ’ کا ٹینس سے رخصت ہونا

جرائم کی تفصیلات

وزارت داخلہ نے کہا ہے کہ ’سعودی شہری علی بن علوی بن محمد العلوی نے متعدد دہشت گردانہ جرائم کا ارتکاب کیا ہے‘۔ مذکورہ شخص نے دہشت گرد تنظیم میں شمولیت اختیار کی جس کا مقصد سعودی عرب کے امن و امان کو نقصان پہنچانا اور دہشت گردی کی کارروائیوں کی حمایت کرنا تھا۔

علی بن علوی نے متعدد مطلوب افراد کو چھپایا اور بیرون ملک جا کر اسلحہ اور دھماکہ خیز مواد بنانے کی تربیت حاصل کی تاکہ انہیں ملک کے اندر دہشت گردی کی کارروائیوں میں استعمال کیا جا سکے۔

عدالتی کاروائی اور فیصلہ

وزارت نے کہا ہے کہ ’تمام ثبوت اور دلائل کے ساتھ اسے عدالت میں پیش کیا گیا جہاں الزام ثابت ہونے اور زمین میں فساد پھیلانے پر سزائے موت کا فیصلہ سنایا گیا‘۔ بعد ازاں اپیل کورٹ نے زریں عدالت کے فیصلے کی تصدیق کی اور ایوان شاہی نے فیصلے پر عملدرآمد کی منظوری دی۔