اگر پیٹرول مہنگا نہ کرتے تو پھر آئی ایم ایف کو ہمارے ساتھ مسئلہ ہو جاتا: وزیر پیٹرولیم

اسلام آباد میں پیٹرولیم مصنوعات کی قیمتوں میں اضافہ

وفاقی وزیر پیٹرولیم علی پرویز ملک نے پیٹرولیم مصنوعات کی قیمتوں میں اضافے کی وجہ بتائی۔

یہ بھی پڑھیں: پنجاب میں 37087 مجالس، 9825 جلوسوں کی مانیٹرنگ، 1421 ذاکرین و مقررین کی ضلع بندی، 809 کی زباں بندی کے احکامات جاری

وزیر پیٹرولیم کا بیان

نجی ٹی وی کے پروگرام میں گفتگو کرتے ہوئے وزیر پیٹرولیم علی پرویز ملک نے کہا، “بیمار معیشت کا علاج ڈسپرین سے نہیں، سرجری سے ہوگا۔ اسی لئے پٹرول مجبوری میں مہنگا کرنا پڑا کیونکہ روپے کے مقابلے میں ڈالر بھی دو روپے مہنگا ہو گیا تھا۔ اگر ہم پٹرول مہنگا نہ کرتے تو پھر آئی ایم ایف کو ہمارے ساتھ مسئلہ ہو جاتا۔”

یہ بھی پڑھیں: ترجیح کیا ہونی چاہیے۔؟ بیرسٹر گوہر نے علی امین گنڈا پور سے ’’گزارش‘‘ کر دی

قیمتوں میں اضافے کا نوٹیفکیشن

واضح رہے کہ گزشتہ روز وزارت خزانہ کی جانب سے پیٹرولیم مصنوعات کی قیمتوں میں اضافے کا نوٹیفکیشن جاری کیا گیا تھا۔

نئی قیمتیں

نوٹیفکیشن کے تحت پیٹرول کی قیمت میں 5 روپے 36 پیسے فی لیٹر اضافہ کیا گیا، جس کے بعد پیٹرول کی نئی قیمت 272 روپے 15 پیسے فی لیٹر ہوگئی ہے۔ ہائی سپیڈ ڈیزل کی قیمت میں 11 روپے 37 پیسے اضافہ کیا گیا، جس کے بعد ہائی سپیڈ ڈیزل کی نئی قیمت 284 روپے 35 پیسے فی لیٹر ہوگئی ہے۔