24 گھنٹوں میں ملک کے مختلف علاقوں میں شدید بارشوں کا خدشہ ظاہر

ملک بھر میں شدید بارشوں کی پیش گوئی

اسلام آباد(ڈیلی پاکستان آن لائن) نیشنل ڈیزاسٹر مینجمنٹ اتھارٹی نے 24 گھنٹوں میں ملک کے مختلف علاقوں میں شدید بارشوں کا خدشہ ظاہر کردیا۔

یہ بھی پڑھیں: شہید ہونے والے کسی کے بیٹے اور بھائی تھے، ظلم کیا گیا، کیا دوسروں کو مارنا اور زخمی کرنا پرامن احتجاج ہوتا ہے؟ مریم نواز

سیلابی صورتحال اور طغیانی کا خدشہ

نجی ٹی وی چینل جیو نیوز کے مطابق، ترجمان این ڈی ایم اے کا کہنا ہے کہ شدید بارشوں سے شہروں میں سیلابی صورتحال اور ندی نالوں میں طغیانی کا خدشہ ہے۔ لاہور، چکوال، اٹک، جہلم، خوشاب، اور سرگودھا میں آندھی طوفان سمیت شدید بارش کا امکان ہے۔ اسی طرح، گجرات، گوجرانوالہ، فیصل آباد، سیالکوٹ، نارووال، اوکاڑہ، قصور، شیخوپورہ، اور حافظ آباد میں بھی شدید بارش متوقع ہے۔

راولپنڈی میں رین ایمرجنسی کا نفاذ

دوسری جانب، ڈی جی پی ڈی ایم اے نے وزیراعلیٰ پنجاب کی ہدایات پر راولپنڈی میں رین ایمرجنسی نافذ کردی ہے۔ راولپنڈی میں مقامی سطح پر چھٹی کا اعلان کیا گیا ہے۔ ڈی جی کا کہنا ہے کہ نالہ لئی کے اطراف نشیبی علاقوں کے رہائشی انخلا کی صورت میں انتظامیہ سے تعاون کریں۔