طوفانی بارشوں کے بعد نالہ لئی بھی بپھر گیا، دور جدید میں قریبی آبادیوں کو کس طرح الارم بجا کر خبردار کیا جاتا ہے؟ ویڈیو دیکھیں

راولپنڈی(ڈیلی پاکستان آن لائن) ملک بھر میں جاری مون سون بارشوں کے تیسرے سپیل نے تباہی مچا دی، ندی نالوں اور دریاؤں میں طغیانی ہے، ریسکیو ٹیموں اور پاک فوج سمیت دیگر ادارے سیلابی پانی میں پھنسے افراد کو ریسکیو کرنے کیلئے متحرک ہیں۔

یہ بھی پڑھیں: اسلام آباد، یونیورسٹی طالبہ کو شادی کا جھانسہ دیکر کلاس فیلو کی جنسی زیادتی

راولپنڈی میں بارشیں

راولپنڈی میں گزشتہ روز سے جاری موسلادھار بارش کے بعد نالہ لئی سمیت دیگر ندی نالوں میں شدید طغیانی ہے اور قریبی آبادیوں کو آگاہ کرنے کیلئے سائرن بھی بجا دیئے گئے ہیں۔ تاہم سوشل میڈیا پر ایک ویڈیو وائرل ہو رہی ہے، جس کے کیپشن میں لکھا ہے حیرانی ہو رہی ہے، 2025 میں بھی خطرے سے آگاہ کرنے کیلئے اس ہاتھ سے چلنے والے سائرن کا استعمال کیا جا رہا ہے، اس سے کتنی بڑی آبادی الرٹ ہو گی۔۔۔!!

یہ بھی پڑھیں: افغان اور بھارتی میڈیا کا پروپیگنڈا بے بنیاد ہے، سیکیورٹی ذرائع

سوشل میڈیا پر ہنگامہ

حیرانی ہو رہی ہے، 2025 میں بھی خطرے سے آگاہ کرنے کےلئے اس ہاتھ سے چلنے والے سائرن کا استعمال کیا جا رہا ہے، اِس سے کتنی بڑی آبادی الرٹ ہو گی۔۔!! pic.twitter.com/FDELp7ibM9

— Khurram Iqbal (@khurram143) July 17, 2025

ویڈیومیں دیکھا جا سکتا ہے کہ ورکر دور جدید بھی ہاتھ سے لیور گھما کرالارم بجا رہا ہے، جس کی آواز بمشکل وہاں کھڑے سن سکتے ہیں۔

یہ بھی پڑھیں: چوبرجی کے مقام پر انجن کے باقاعدہ استقبال کی محفل سجائی گئی، جشن کا اہتمام کیا گیا، شہر کے سب انگریز، دیسی افسراور معززین شہر تقریب میں پہنچ گئے

صارفین کی رائے

سوشل میڈیا صارفین کی جانب سے آج کے جدید دور میں ایسے الارم پر خوب تبصرہ کیا جا رہا ہے۔ سوشل میڈیا صارف حیات عمر کا کہنا تھا کہ یہ سائرن باقی دنیا میں بھی استعمال ہو رہے ہیں۔

یہ بھی پڑھیں: طلاق 90 روز کی مدت پوری ہونے تک مؤثر نہیں ہوسکتی: سپریم کورٹ

عوامی تبصرے

رانا ذیشان حمید کا کہنا تھا کہ یہاں ہر کام دکھاوے کیلئے کرتے ہیں حکمران۔ صفائی والا عملہ صفائی کرتا ہے تو ساتھ ایک بندہ ان کی ویڈیو بنا رہا ہوتا ہے، ایسے ہی یہ سائرن بجا رہا اور ایک بندہ ویڈیو بنا رہا اور دوسرا اسے کہہ رہا ہے کہ بس ٹھیک ہے بھیج دو اور فرض پورا ہو گیا اب۔

ضیا خان کا کہنا تھا کہ اللہ گواہ ہے میں نے پہلی بار دیکھا تو سمجھا کسی نے میم بنایا لیکن یہ تو سچ میں، دنیا کہاں پہنچ گئی ہم کہاں کھڑے اس سے اندازہ لگائیں، بندر والا ڈھول ہاتھ میں لے کر گھوم رہا ہے۔

تصاویر