اسحاق ڈار کی افغان وزیرِ خارجہ امیر متقی سے ملاقات

کابل میں ملاقات

کابل (ڈیلی پاکستان آن لائن) نائب وزیرِ اعظم و وزیرِ خارجہ اسحاق ڈار کی کابل میں عبوری افغان وزیرِ خارجہ امیر خان متقی سے ملاقات ہوئی ہے۔

یہ بھی پڑھیں: راولپنڈی: فوڈ اتھارٹی کا گودام پر چھاپہ، 8ہزار کلو بدبودار اور مضر صحت گوشت برآمد

ملاقات کی تفصیلات

ترجمان دفترِ خارجہ نے بتایا ہے کہ وزیرِ خارجہ اسحاق ڈار کے ہمراہ وزیرِ ریلوے، نمائندہ خصوصی برائے افغانستان اور سیکریٹری ریلوے بھی موجود تھے۔ اسحاق ڈار اور امیر خان متقی کے درمیان ملاقات میں دوطرفہ تعلقات، تجارت، ٹرانزٹ ٹریڈ اور سیکیورٹی کے شعبوں میں تعاون کے فروغ پر تبادلۂ خیال کیا گیا۔ ملاقات میں اس بات پر اتفاق کیا گیا کہ خطے کی اقتصادی ترقی کی مکمل صلاحیت کے حصول کے لیے رابطے میں رہیں گے۔

یہ بھی پڑھیں: خواجہ سراؤں سے بھتہ طلب کرنے والے ملزمان کی ضمانت خارج

دوطرفہ تعلقات کی اہمیت

’’جنگ‘‘ کے مطابق، ترجمان دفترِ خارجہ کا کہنا ہے کہ فریقین نے دو طرفہ تعلقات کے تسلسل اور دونوں اقوام کے باہمی فائدے کے لیے کوششیں تیز کرنے کی ضرورت پر زور دیا۔ تجارت، ٹرانزٹ اور سیکیورٹی میں تعاون بڑھانے اور خطے کی اقتصادی ترقی کی مکمل صلاحیت کے حصول پر اتفاق کیا گیا۔ اس کے علاوہ، بین الاقوامی رابطہ منصوبوں کی تکمیل کے عزم کا بھی اظہار کیا گیا۔

وزیرِ خارجہ کا دورۂ کابل

ترجمان دفترِ خارجہ نے اس حوالے سے مزید بتایا کہ وزیرِ خارجہ کا دورۂ کابل ازبکستان، افغانستان، پاکستان ریلوے منصوبے کے معاہدے کے لیے ہے۔ سہ فریقی فریم ورک معاہدے پر دستخط کابل میں ہوں گے۔ یہ سہ فریقی منصوبہ مشترکہ فزیبلٹی سٹڈی سے متعلق ہے۔