4 کروڑ 10 لاکھ روپے مالیت کی اسمگل شدہ اشیاء اور ٹرالر ضبط

کراچی میں اسمگلنگ کی بڑی کارروائی

کراچی (ڈیلی پاکستان آن لائن) پاکستان کسٹمز انفورسمنٹ نے ماڑی پور روڈ پر انسداد اسمگلنگ مہم کے دوران 4کروڑ 10لاکھ روپے مالیت کی اسمگل شدہ اشیاء اور ایک ٹرالر ضبط کر لیا۔

یہ بھی پڑھیں: وزیراعلیٰ پنجاب کا ٹماٹر اور پیاز کی کاشت میں اضافے کیلئے میکانائزڈ فارمنگ کا اعلان

ٹرالر کی گرفتاری

ترجمان کسٹمز عرفان علی کے مطابق حکام کو یہ اطلاع ملی تھی کہ ٹرالر نمبر ٹی کے زیڈ 091 کے ذریعے اسمگل شدہ اشیاء ملک کے اندر منتقل کرنے کی کوشش کی جائے گی۔ اس اطلاع ملنے پر فوری کارروائی کی گئی۔ ٹرالر کی تلاشی کے دوران مختلف غیر ملکی برانڈز کے 5ہزار 620 سگریٹ کے پیکٹس، 405 کلوگرام اسمگل شدہ مضرصحت چھالیہ، ایرانی برانڈ کے 15ہزار 270 کلوگرام اسمگل شدہ اسکم ملک پاوڈر اور 1ہزار 864 کلوگرام غیرملکی کپڑا برآمد ہوا۔