پنجاب میں مون سون بارشوں کے چوتھے اسپیل کا الرٹ جاری
مون سون بارشوں کا چوتھا اسپیل
لاہور (ڈیلی پاکستان آن لائن) صوبائی ڈیزاسٹر مینجمنٹ اتھارٹی نے پنجاب میں مون سون بارشوں کے چوتھے اسپیل کا الرٹ جاری کر دیا ہے۔ اعلامیے میں بتایا گیا ہےکہ 20 سے 25 جولائی کے دوران صوبے کے بیشتر اضلاع میں تیز آندھی، گرد آلود ہواؤں اور بارش کا امکان ہے۔
یہ بھی پڑھیں: ایک وقت آتا ہے کہ دوستیاں سمٹ سی جاتی ہیں لیکن لنگوٹیے یار نہ بدلتے ہیں نہ بگڑتے ہیں، جب بھی ملیں گے خلوص اور محبت کے قطب مینار ہی ہوںگے۔
متاثرہ اضلاع
راولپنڈی، مری، گلیات، اٹک، چکوال، منڈی بہاالدین، حافظ آباد، گجرات، جہلم، گوجرانوالہ، لاہور، فیصل آباد، سیالکوٹ، نارووال، ٹوبہ ٹیک سنگھ، جھنگ، سرگودھا اور میانوالی میں بارشوں کے امکانات ہیں۔
یہ بھی پڑھیں: کلر سیداں میں بچے تالاب میں نہاتے ہوئے جاں بحق، پی ڈی ایم اے کا نوٹس، ڈی سی راولپنڈی سے ٹیلیفونک رابطہ
ضلعی انتظامیہ کی تیاری
ڈان نیوز کے مطابق ڈائریکٹر جنرل پی ڈی ایم اے عرفان علی کاٹھیا کے مطابق وزیر اعلیٰ پنجاب مریم نواز کی ہدایت پر ضلعی انتظامیہ کو الرٹ جاری کر دیا گیا ہے، جبکہ محکمہ صحت، آبپاشی، تعمیر و مواصلات، لوکل گورنمنٹ اور لائیو اسٹاک کو بھی الرٹ کیا گیا ہے۔
یہ بھی پڑھیں: عالمی بینک نے پاکستان ترقیاتی اپ ڈیٹ رپورٹ 2025 جاری کردی
نیشنل ڈیزاسٹر مینجمنٹ کی رپورٹ
خیال رہے کہ نیشنل ڈیزاسٹر مینجمنٹ اتھارٹی کی رپورٹ کے مطابق ملک بھر میں شدید مون سون بارشوں اور سیلابی کی تباہ کاریوں کے باعث 26 جون سے 17 جولائی کے درمیان 178 افراد جاں بحق جبکہ 491 زخمی رپورٹ ہوئے تھے، جس میں 85 بچے بھی شامل ہیں۔
طوفانی بارشوں کے اثرات
رپورٹ کے مطابق گزشتہ 16 سے 17 جولائی کے دوران ملک بھر میں طوفانی بارشوں، سیلابی ریلوں، چھتیں اور آسمانی بجلی گرنے سے 54 اموات رپورٹ ہوئیں، اس دوران 227 افراد زخمی بھی ہوئے۔
