ملک بھر میں مزید موسلادھار بارشوں کی پیش گوئی

موسلا دھار بارشوں کی پیشگوئی

کراچی(ڈیلی پاکستان آن لائن)چاروں صوبوں، کشمیر اور گلگت بلتستان میں موسلا دھار بارشوں کا امکان ہے، آج رات سے تیز ہواؤں اور گرج چمک کے ساتھ مزید بارشیں شروع ہوں گی۔

یہ بھی پڑھیں: ویڈیو: پاکستان میں سولر سے چلنے والی گاڑی آ گئی، قیمت جان کر حیران رہ جائیں گے

محکمہ موسمیات کا الرٹ

محکمہ موسمیات نے آئندہ دنوں میں مون سون کے ایک اور اسپیل کا الرٹ جاری کر دیا ہے۔ سندھ میں آج رات سے 20 جولائی کے دوران تھرپارکر، عمرکوٹ، مٹھی، حیدرآباد، بدین، ٹھٹہ، کراچی، خیرپور، جیکب آباد، دادو، کشمور، بے نظیر آباد، سانگھڑ، سکھر، گھوٹکی اور دیگر علاقوں میں موسلادھار بارشوں کا امکان ہے۔

یہ بھی پڑھیں: افغانستان سے سرحدی کشیدگی، پاکستان نے شواہد پر مبنی مطالبات ترکیے میں ثالثوں کے حوالے کردیئے

خیبرپختونخوا میں بارش کی توقعات

صوبہ خیبرپختونخوا میں 21 جولائی سے 25 جولائی کے درمیان دیر، سوات، کوہستان، مالا کنڈ، شانگلہ، بٹگرام، کوہاٹ، ٹانک، ڈی آئی خان، باجوڑ، مہمند، خیبر، وزیرستان، مانسہرہ، ایبٹ آباد، ہری پور، پشاور، چارسدہ، مردان، صوابی، ہنگو میں بارشوں کا امکان ہے اور اسی دوران خیبرپختونخوا کے مختلف مقامات پر شدید بارشیں بھی متوقع ہیں۔

یہ بھی پڑھیں: شوہر نے پوڈکاسٹ انٹرویو دیکھ کر پسند کیا: تزئین حسین نے دلچسپ کہانی سنادی

پنجاب میں بارش کا امکان

پنجاب میں 20 جولائی کی شام سے 25 جولائی کے دوران اسلام آباد، راولپنڈی، اٹک، جہلم، گجرات، لاہور، گجرانوالہ، شیخوپورہ، نارووال، سیالکوٹ، ساہیوال، جھنگ، ٹوبہ ٹیک سنگھ، چنیوٹ، خوشاب، اوکاڑہ، سرگودھا، خوشاب، بھکر، میانوالی میں بارش کا امکان جبکہ جنوبی پنجاب کے مختلف علاقوں میں بھی بارش کا امکان ہے۔

یہ بھی پڑھیں: عید الاضحیٰ کے لیے جانور خریدنے والے بیوپاری راستے میں لوٹ گئے

بلوچستان میں بارشوں کا امکان

بلوچستان میں 18 جولائی سے 19 جولائی کے دوران اور 21 سے 23 جولائی کے دوران لسبیلہ، آواران، خضدار، کوئٹہ، ژوب، قلعہ سیف اللہ، زیارت، قلات، شیرانی، موسٰی خیل، لورالائی اور بارکھان میں بارشوں کا امکان ہے۔

یہ بھی پڑھیں: محمود خان اچکزئی کے اپوزیشن لیڈر بننے کا مطلب ہے کہ ان کو ہائبرڈ رجیم میں حصہ داری مل گئی ہے،ایمل ولی خان

سیلابی خطرات اور احتیاطی تدابیر

محکمہ موسمیات نے اندیشہ ظاہر کیا ہے کہ اسلام آباد، راولپنڈی، خیبرپختونخوا، شمال مشرقی پنجاب، کشمیر کے مقامی ندی نالوں میں طغیانی کا خطرہ ہونے کے ساتھ اسلام آباد، راولپنڈی، گجرانوالہ، لاہور، سیالکوٹ، سرگودھا، فیصل آباد، اوکاڑہ، نوشہرہ، پشاور کے نشیبی علاقے زیرآب آسکتے ہیں۔

لینڈ سلائیڈنگ کا خطرہ

خیبرپختونخوا، مری، گلیات، کشمیر اور گلگت بلتستان میں لینڈ سلائیڈنگ سے راستہ بند ہونے کا خطرہ بھی ہے۔ شہری درختوں، سولر بینل، کمزور انفرااسٹرکچر اور پانی والے مقامات سے دور رہیں۔