ہنگو میں دہشتگردوں کے ساتھ فائرنگ کا تبادلہ، ڈی پی او زخمی، 5 دہشتگرد ہلاک

ہنگو میں فائرنگ کا تبادلہ

ہنگو ( ڈیلی پاکستان آن لائن ) ہنگو میں شناوڑی زرگری میں دہشتگردوں کے ساتھ فائرنگ کے تبادلے میں ڈی پی او زخمی ہوگئے۔

یہ بھی پڑھیں: ندا یاسر نے شوہروں کو قابو کرنے کا راز بتا دیا

زخمی ڈی پی او کی حالت

’’جیو نیوز ‘‘ کے مطابق ڈی پی او محمد خالد کو پیٹ میں 4 گولیاں لگی ہیں، انہیں ڈسٹرکٹ ہیڈ کوارٹر زہسپتال منتقل کردیا گیا ہے، مزید علاج کے لیے پشاور منتقل کیا جائے گا۔

یہ بھی پڑھیں: پیپلز پارٹی کے ساتھ 4 دہائیوں کا سیاسی سفر، جیل، اہم عہدے – آغا سراج درانی کی زندگی سے متعلق وہ تفصیلات، جو شاید آپ نہیں جانتے

دہشتگردوں کے خلاف کارروائی

علاقے میں دہشتگردوں کے خلاف آپریشن کیا گیا، پولیس ترجمان کے مطابق کارروائی میں 5 دہشت گرد مارے گئے۔ ایس ایچ او تھانہ دوآبہ نبی خان بھی زخمی ہوئے ہیں۔

یہ بھی پڑھیں: فل کورٹ اور آئینی بینچ کے حوالے سے رکن جوڈیشل کمیشن نے اہم سوال اٹھا دیا

آئی جی خیبر پختونخوا پولیس کا بیان

انسپکٹر جنرل (آئی جی) خیبر پختونخوا پولیس ذوالفقار حمید نے کہا ہے کہ ڈی پی او ہنگو دہشتگردوں کے خلاف آپریشن کر رہے تھے۔ آپریشن کے دوران 5 دہشتگرد مارے گئے، کئی زخمی ہوئے، ڈی پی او کو بھی گولی لگی ہے۔ ان کی حالت خطرے سے باہر ہے، ان سے بات کی ہے ان کے حوصلے بلند ہیں۔