سابق سفیر کے زرعی پلاٹ کی منتقلی کے لیے سی ڈی اے کا افسران کی ٹیم کو خلیجی ملک بھیجنے کا فیصلہ

سی ڈی اے کی جانب سے خلیجی ملک میں پلاٹ کی منتقلی

اسلام آباد(ڈیلی پاکستان آن لائن) کیپیٹل ڈیولپمنٹ اتھارٹی (سی ڈی اے) نے اسلام آباد کے ایک زرعی پلاٹ کی منتقلی کے لیے افسران کی ٹیم کو خلیجی ملک بھیجنے کا فیصلہ کیا ہے۔ ڈان اخبار کی رپورٹ کے مطابق سی ڈی اے کے 3 افسران اور اسلام آباد کیپیٹل ٹیریٹری (آئی سی ٹی) انتظامیہ کا ایک افسر پلاٹ کی منتقلی کے سلسلے میں خلیجی ملک جانے کے لیے تیار ہیں۔

یہ بھی پڑھیں: لاہور کی قدیمی مارکیٹ کی دکانیں گرانے کا فیصلہ

پلاٹ کی ملکیت کی تاریخ

ایک سابق سفارت کار نے تقریباً 3 دہائی قبل شہزاد ٹاؤن میں ایک پلاٹ خریدا تھا۔ سرکاری خدمات مکمل کرنے کے بعد وہ اپنے آبائی ملک واپس چلے گئے جہاں بعد میں ان کا انتقال ہوگیا۔ اب یہ پلاٹ ان کے خاندان کی ملکیت ہے۔ خاندان نے اس پلاٹ کو اسی ملک کے ایک اور شہری کو فروخت کرنے کا فیصلہ کیا ہے اور وہ پراپرٹی کی منتقلی کروانا چاہتے ہیں۔

یہ بھی پڑھیں: India: Hindu Extremists Run Over Muslim Family, 3 Dead

سی ڈی اے کی خصوصی ٹیم کی تشکیل

عام طور پر انہیں اسلام آباد میں سی ڈی اے کے دفتر آ کر اپنا بیان ریکارڈ کروانا ہوتا ہے، تاہم ان کی درخواست پر سی ڈی اے نے ایک ٹیم کو بیرون ملک بھیجنے کا فیصلہ کیا ہے تاکہ انتقال کی کارروائی مکمل کی جا سکے۔ چیئرمین سی ڈی اے محمد علی رندھاوا کی منظوری کے بعد ہیومن ریسورس ڈائریکٹوریٹ نے افسران کو مذکورہ ملک جانے کے لیے این او سی جاری کیا۔

یہ بھی پڑھیں: مرغی کے گوشت کی فی کلو قیمت میں بڑی کمی

سرکاری نوٹی فکیشن

15 جولائی کو سی ڈی اے کی جانب سے جاری کردہ ایک نوٹی فکیشن (جو کہ ڈان کے پاس موجود ہے) میں کہا گیا ہے کہ چیئرمین سی ڈی اے (مجاز اتھارٹی) نے اتھارٹی کے درج ذیل افسران کو 18 جولائی 2025 کو (ملک کا نام حذف کیا جا رہا ہے) جانے کی اجازت دی ہے تاکہ اسلام آباد کے چک شہزاد میں زرعی پلاٹ کی منتقلی کے عمل کو مکمل کیا جا سکے۔

نوٹی فکیشن میں بتایا گیا کہ اس ٹیم میں ڈائریکٹر اسٹیٹ، ڈپٹی ڈائریکٹر اسٹیٹ، اسسٹنٹ ڈائریکٹر اسٹیٹ اور ایک افسر آئی سی ٹی سے شامل ہیں۔ خط میں کہا گیا کہ افسران کے سفر، قیام و طعام کے اخراجات متعلقہ ملک کا سفارت خانہ برداشت کرے گا۔

یہ بھی پڑھیں: میرا مقام بیت الخلا صاف کرنے والوں سے بھی نیچے ہے، میں تو۔۔۔” سہیل وڑائچ نے آخر کار خاموشی توڑ دی

قواعد و ضوابط کی پاسداری

جب اس حوالے سے ایک افسر سے رابطہ کیا گیا تو انہوں نے کہا کہ تمام عمل قواعد و ضوابط کے مطابق کیا جا رہا ہے۔ انہوں نے کہا کہ ہم ویزوں کے منتظر ہیں، پراپرٹی مینوئل میں ایک شق موجود ہے کہ سی ڈی اے انتظامیہ پراپرٹی کی منتقلی کے لیے کمیشن تشکیل دے سکتی ہے۔

انہوں نے مزید کہا کہ ہمارا کمیشن اکثر اسلام آباد میں مریضوں اور بزرگ افراد کے گھروں میں جا کر ان کا بیان ریکارڈ کرتا ہے، کئی بار ہمارا کمیشن کراچی اور لاہور جیسے دیگر شہروں میں بھی گیا ہے۔

نئی مثال قائم کرنا

تاہم ایک اور افسر نے کہا کہ سی ڈی اے افسران کا بیرون ملک جا کر پراپرٹی ٹرانسفر کرنا ایک نئی مثال ہو سکتی ہے۔ انہوں نے تبصرہ کرتے ہوئے کہا کہ میرا خیال ہے کہ یہ پہلا موقع ہوگا جب ہمارے افسران کسی ایسے مقصد کے لیے بیرون ملک جا رہے ہیں۔