خیبرپختونخوا اسمبلی کا اجلاس کورم پورا نہ ہونے پر ملتوی، اپوزیشن کا احتجاج
پشاور: خیبرپختونخوا اسمبلی کا اجلاس ملتوی
پشاور(ڈیلی پاکستان آن لائن) خیبرپختونخوا اسمبلی کا اجلاس کورم پورا نہ ہونے پر ملتوی کر دیا گیا۔
یہ بھی پڑھیں: راجہ بشارت گرفتار
اجلاس کی تفصیلات
نجی ٹی وی چینل دنیا نیوز کے مطابق خیبرپختونخوا اسمبلی کا مخصوص نشستوں پر منتخب ارکان کی حلف برداری کیلئے اجلاس سپیکر بابر سلیم سواتی کی زیر صدارت 2 گھٹنے 24 منٹ کی تاخیر سے شروع ہوا، شیر علی ارباب کی جانب سے کورم کی نشاندہی پر سپیکر نے گنتی کی ہدایت کر دی ہے۔
کورم نا مکمل ہونے پر خیبرپختونخوا اسمبلی کا اجلاس 24 جولائی تک ملتوی کر دیا گیا۔
یہ بھی پڑھیں: وزیراعلیٰ پنجاب مریم نواز سے فیصل آباد ڈویژن کے ارکانِ اسمبلی اور ٹکٹ ہولڈرزکی ملاقات
پی ٹی آئی کی پارلیمانی پارٹی کا بائیکاٹ
ادھر وزیر قانون آفتاب عالم نے بتایا کہ پی ٹی آئی کی پارلیمانی پارٹی کا اجلاس ہوا ہے جس میں اسمبلی کے اجلاس کا بائیکاٹ کرنے کا فیصلہ کیا گیا ہے، ہمارے ارکان ناراض ہیں، اسمبلی کے اجلاس میں شرکت نہیں کر رہے۔
یہ بھی پڑھیں: پاکستان کا جنگ بندی میں امریکی کردار کا اعتراف لیکن بھارت اس کردار کو کیوں قبول نہیں کر رہا؟
حلف برداری کی پابندیاں
خیبرپختونخوا اسمبلی کا صبح 9 بجے طلب کیا گیا تھا، کورم پورا نہ ہوا تو مخصوص نشستوں پر منتخب ارکان کی حلف برداری خطرے میں پڑ جائے گی۔
کے پی اسمبلی اجلاس میں مخصوص نشستوں پر منتخب 25 ارکان سے آج حلف لیا جانا ہے جس میں 21 خواتین اور 4 اقلیتوں کی مخصوص نشستوں پر منتخب اراکین شامل ہیں۔
یہ بھی پڑھیں: دبئی کی رئیل اسٹیٹ مارکیٹ کو شدید مالی دباؤ کا سامنا ہے، بلومبرگ
منتخب ارکان کی فہرست
حلف اٹھانے والوں میں جمعیت علماء اسلام اور ن لیگ کی 7، 7 خواتین، پیپلزپارٹی کی 4 خواتین شامل ہیں۔ اے این پی کی 2 اور پی ٹی آئی کی ایک خاتون سے بھی حلف لیا جائے گا، جے یو آئی کی دو اقلیت نشست پر منتخب اراکین عسکر پرویز اور گورپال سنگھ سے بھی حلف لیا جائے گا۔
یہ بھی پڑھیں: راولپنڈی میں ادھار چکن اور سبزی لینے پر ملزمان نے بہانے سے خاتون کو نجی ہوٹل میں لے جا کر اجتماعی زیادتی کا نشانہ بنا دیا
مہمانوں کے لئے پابندیاں
ن لیگ کے سریش کمار اور پیپلزپارٹی کے کوٹے پر منتخب بہاری لالا بھی حلف اٹھائیں گے، اسمبلی اجلاس میں مہمانوں کی آمد پر پابندی عائد کر دی گئی ہے۔
یہ بھی پڑھیں: سندھ کابینہ نے سانحہ گل پلازہ میں شہید ہونے والوں کے اہلخانہ کو ایک کروڑ روپے فی کس دینے کی منظوری دیدی
اپوزیشن لیڈر کی رائے
اپوزیشن لیڈر خیبرپختونخوا اسمبلی ڈاکٹر عباد اللہ نے میڈیا سے گفتگو کرتے ہوئے کہا کہ اسمبلی اجلاس میں اگر کورم کی نشاندہی کی گئی تو ہمارے پاس آپشن ہے، حلف برداری ہوگی، اگر نہیں ہوتی تو یہ پی ٹی آئی ہے کچھ بھی ہو سکتا ہے۔
ان کا کہنا تھا کہ سینیٹ الیکشن میں اپوزیشن اور حکومت کا فارمولہ طے ہے، اگر آج یا کل حلف نہ لیا گیا تو عدالت جائیں گے۔
سینیٹ الیکشن سے متعلق گفتگو
ڈاکٹر عباد اللہ نے مزید کہا کہ سینیٹ الیکشن کے سلسلے میں ہماری بات حکومت سے ہوئی ہے، پی ٹی آئی کے کارکن اگر ناراض ہیں یہ ان کا مسئلہ ہے، سینیٹ الیکشن کے حوالے سے ہم اپنے موقف پر قائم ہیں۔
