پنجاب میں اسکول آن ویل اور موبائل لائبریری شروع کرنے کا فیصلہ
پنجاب میں تعلیمی منصوبے
لاہور(ڈیلی پاکستان آن لائن) پنجاب میں ”سکول آن ویل“، ”موبائل لائبریری آن ویل“ اور”موبائل لائبریری“ شروع کرنے کا فیصلہ کیا گیا ہے۔
یہ بھی پڑھیں: اسلام آباد خود کش دھماکہ، افغانستان کی وزارت خارجہ کا بیان آ گیا
وزیراعلیٰ کی منظوری
نجی ٹی وی چینل دنیا نیوز کے مطابق وزیراعلیٰ پنجاب مریم نوازشریف نے سکول آن ویل کی اصولی منظوری دے دی۔ صوبائی وزیر تعلیم رانا سکندر حیات نے سکول آن ویل، لائبریری آن ویل اور دیگر منصوبوں کے بارے میں تفصیلی بریفنگ دی۔
یہ بھی پڑھیں: عمران خان کو فوجی تحویل میں لینا حیران کن نہیں ہوگا: فیصل واوڈا
سکول آن ویل کی خصوصیات
وزیر تعلیم پنجاب کا کہنا ہے کہ سکول آن ویل دوردراز اور دشوار گزار علاقوں میں بچوں کو زیور تعلیم سے آراستہ کرے گا۔ سکول آن ویل الیکٹرک رکشے میں بنایا جائے گا، رکشے کی چھت پر سولر پینل لگائے جائیں گے۔ سکول آن ویل میں موجود ٹیچر کسی گلی محلے یا بستی میں چھتری نما سائبان کے نیچے فولڈنگ کرسیاں لگائیں گے۔
یہ بھی پڑھیں: وہاڑی میں ٹیوشن سینٹر سے نکلنے والے طلبہ پر نامعلوم افراد کی فائرنگ، 1 طالبعلم جاں بحق، 3 زخمی ہوگئے
تعلیمی مواد کی فراہمی
انہوں نے کہا کہ سکول آن ویل میں پڑھنے والے بچوں کو کتابیں بھی مہیا کی جائیں گی۔ سکول آن ویل میں ننھے بچوں کی دلچسپی کیلئے پینٹنگ کا سامان بھی موجود ہوگا، اور مختلف ایجوکیشنل ٹوائز بھی رکھے جائیں گے۔
یہ بھی پڑھیں: جنوبی افریقہ جیسا ملک ماضی کی تلخیاں بھلا کر ترقی کا زینہ طے کر سکتا ہے تو ہم کیوں نہیں؟ بات اتنی ہے معاف کرنا سیکھیں۔ درویشی کا راز بھی اسی میں ہے۔
لائبریری آن ویل پراجیکٹ
بریفنگ میں کہا گیا کہ سکول ایجوکیشن ڈیپارٹمنٹ بچوں کیلئے لائبریری آن ویل پراجیکٹ بھی شروع کرے گا۔ یہ لائبریری مختلف علاقوں میں جا کر بچوں کو کتابیں پڑھنے کے مواقع فراہم کرے گی۔
یہ بھی پڑھیں: بڑی خوشخبری، برطانیہ نے پاکستانی ایئر لائنز پر عمران خان دور حکومت میں وزیر ہوابازی کے پائلٹوں سے متعلق بیان کے بعد عائد کی گئی پابندیاں ختم کر دیں۔
کتابوں کا انتخاب
مزید بتایا گیا کہ لائبریری آن ویل کے ذریعے بچوں کو نصاب کے علاوہ دیگر کتابیں بھی مہیا کی جائیں گی۔ یہ لائبریری کارٹون سے مزین منی وین میں قائم کی جائیں گی اور کسی بھی میدان، گراؤنڈ یا کھلی جگہ پر سٹیشن کیا جا سکے گا۔
موبائل لائبریری کا منصوبہ
دوران بریفنگ بتایا گیا کہ وزیراعلیٰ پنجاب مریم نوازشریف کے "پڑھو گے تو بڑھو" کے ویژن کے مطابق موبائل لائبریری پراجیکٹ بھی شروع کیا جائے گا۔ جدید ترین بس کے اندرقائم موبائل لائبریری میں بچوں کے بیٹھنے کیلئے چیئرز اور ٹیبل بھی میسر ہوں گی، اس میں اردو، انگریزی اور سائنس کی بکس کے علاوہ میگزین بھی رکھے جائیں گے۔
