قلات میں سیکیورٹی فورسز کا آپریشن، بھارتی حمایت یافتہ 4 دہشتگرد ہلاک

سیکیورٹی فورسز کا آپریشن

راولپنڈی (ڈیلی پاکستان آن لائن) بلوچستان میں ضلع قلات میں سیکیورٹی فورسز کا آپریشن کیا گیا جس کے نتیجے میں بھارتی حمایت یافتہ 4 دہشتگردوں کو جہنم واصل کردیا گیا۔

یہ بھی پڑھیں: وزیراعلیٰ مریم نواز اناطولیہ پہنچ گئیں، ڈپلومیسی فورم 2025ء کے تحت بین الاقوامی کانفرنس سے خطاب کریں گی

انٹیلی جنس پر مبنی کارروائی

پاک فوج کے شعبہ تعلقات عامہ (آئی ایس پی آر) کے مطابق بلوچستان کے ضلع قلات میں فتنہ الہندوستان کے دہشت گردوں کی موجودگی کی اطلاع پر انٹیلی جنس پر مبنی آپریشن کیا گیا۔ سیکیورٹی فورسز نے فتنہ الہندوستان کے دہشتگردوں کے ٹھکانے کو مؤثر طریقے سے نشانہ بنایا۔ شدید فائرنگ کے تبادلے میں 4 بھارتی سپانسر شدہ دہشت گردوں کو جہنم واصل کیا گیا۔

یہ بھی پڑھیں: ملتان: 8 سالہ بچی کے ساتھ نازیبا حرکت کرنے والے ملزم نے خود کو گولی مار لی

برآمد شدہ اسلحہ

مارے گئے دہشتگردوں سے اسلحہ، گولہ بارود اور دھماکہ خیز مواد بھی برآمد ہوا ہے۔ ہلاک دہشتگرد متعدد دہشتگردانہ سرگرمیوں میں ملوث تھے۔

پاک فوج کی عزم

ترجمان پاک فوج کا کہنا ہے کہ پاکستان کی سیکیورٹی فورسز ملک سے بھارتی سپانسرڈ دہشت گردی کے ناسور کو ختم کرنے کیلئے پرعزم ہیں۔ بھارتی سپانسرڈ دہشت گردوں اور سہولت کاروں کو انصاف کے کٹہرے میں لایا جائے گا۔