ہارس ٹریڈنگ کو ڈونکی ٹریڈنگ کہتا ہوں، گھوڑا ایک بڑا قابل عزت جانور ہے ، علی امین گنڈا پور
خیبرپختونخوا اسمبلی میں اجلاس
پشاور(ڈیلی پاکستان آن لائن) خیبرپختونخوا اسمبلی میں حکومت اور اپوزیشن کا اجلاس ختم ہوگیا۔ اجلاس میں وزیراعلیٰ علی مین گنڈاپور، اپوزیشن لیڈر ڈاکٹرعباداللہ اور اسپیکر بابر سلیم سواتی شریک تھے۔
یہ بھی پڑھیں: این ڈی ایم اے کی سال 2026 میں 22 سے 26 فیصد زائد بارشوں کی پیش گوئی
میڈیا سے گفتگو
اجلاس کے بعد وزیراعلیٰ علی امین گنڈا پور نے میڈیا سے گفتگو کرتے ہوئے کہا کہ اپوزیشن اور حکومت کے درمیان دھوکا دہی نہیں ہوگی۔
یہ بھی پڑھیں: پنجاب حکومت کی گنے کی کرشنگ کی 15 نومبر ڈیڈ لائن آج ختم، 41 میں سے صرف 5 شوگر ملز نے عملدرآمد کیا
ہارس ٹریڈنگ کے حوالے سے تبصرہ
وزیر اعلیٰ نے کہا کہ ہارس ٹریڈنگ کو ڈونکی ٹریڈنگ کہتا ہوں، گھوڑا ایک بڑا قابل عزت جانور ہے؛ میں خود گھوڑوں کا بہت شوقین ہوں۔ دیکھا جائے تو گدھا بھی خدمت کرنے والا جانور ہے۔
یہ بھی پڑھیں: سعودی کابینہ نے ڈونلڈ ٹرمپ کے بورڈ آف پیس کی حمایت کر دی
سینیٹ میں خرید و فروخت کا مسئلہ
انہوں نے مزید کہا کہ سینیٹ میں خرید و فروخت اس سے بھی گھٹیا کام ہے۔ فیصلہ کیا ہے کہ سینٹ میں خرید و فروخت نہیں ہونی چاہیے۔ صوبے کی تاریخ میں پہلی بار اتنا اچھا فیصلہ ہورہا ہے، اس سے پہلے پنجاب سینیٹ انتخابات میں ہم نے یہی کیا ہے۔
یہ بھی پڑھیں: رمضان المبارک کی آمد پر مستحق خواتین کے لیے بڑی خوشخبری، بے نظیر انکم سپورٹ پروگرام کی سہ ماہی قسط میں اضافہ کر دیا گیا
پی ٹی آئی کی حکمت عملی
علی امین گنڈا پور نے کہا کہ بانی پی ٹی آئی نے جو فیصلہ کیا تھا، اسی فارمولے پر عمل کریں گے۔ عدالتی احکامات کے مطابق مخصوص نشستوں کے منتخب اراکین گورنر ہاؤس میں حلف لے رہے ہیں۔
یہ بھی پڑھیں: آسٹریلیا نے دورہ پاکستان کے لیے 17 رکنی اسکواڈ کا اعلان کر دیا
ناراض امیدواروں کے خلاف کارروائی
ان کا کہنا تھا کہ ناراض امیدواروں کے خلاف پارٹی کارروائی کرے گی۔ بانی پی ٹی آئی کے فیصلہ کی نفی بانی پی ٹی آئی کی نفی ہے۔
یہ بھی پڑھیں: نادرا دفاتر کے باہر PAK-ID موبائل ایپ کے ذریعے شہریوں کے ساتھ فراڈ، انتباہ جاری
اپوزیشن کے ساتھ اتحاد
ان کا کہنا تھا کہ اپوزیشن سے اتحاد صرف سینیٹ انتخابات تک ہے۔ اپوزیشن کے ساتھ پہلے 8 اور 3 کے فارمولے پر اتفاق ہوا تھا۔ ہمارے امیدواروں کی جانب سے کاغذات واپس نہ لینے سے ہمیں نقصان ہوا، اب ہمیں 6 اور اپوزیشن کو 5 نشستیں ملیں گی۔
نتیجہ
علی امین گنڈاپور نے کہا کہ جو بھی ہورہا ہے، وہ بانی پی ٹی آئی کے احکامات پر ہورہا ہے۔
