وکٹ مشکل تھی ، بنگلہ دیش سے شکست کے بعد کپتان سلمان آغا کا بیان

سلمان علی آغا کا میچ کے بعد بیان

ڈھاکہ(ڈیلی پاکستان آن لائن) قومی کرکٹ ٹیم کے کپتان سلمان علی آغا نے کہا ہے کہ ہم نے کم سکور بنائے جس کی وجہ سے ہمیں شکست ہوئی۔ میچ کے بعد گفتگو کرتے ہوئے ان کا کہنا تھا کہ ہم نے اچھی شروعات کی لیکن وقفے وقفے سے وکٹیں گنواتے رہے۔ ظاہر ہے ہم اس پر بیٹھ کر بات کریں گے، اور اگلے میچ میں ہمیں بہتر کھیلنا ہوگا۔

یہ بھی پڑھیں: کریک ڈاون میں تیزی، ایک دن میں ساڑھے 5 ہزار سے زائد تارکین وطن کو افغانستان بھیج دیا گیا

بنگلہ دیش کی پچ پر کھیلنے کی توقعات

انہوں نے کہا کہ جب بھی آپ بنگلہ دیش آتے ہیں، تو ایسی ہی پچ کی توقع رکھتے ہیں، بنگلہ دیش میں زیادہ بہتر وکٹیں مشکل سے ہی ملتی ہیں۔ ہم اس کے لیے تیار تھے، لیکن ہم معیار کے مطابق نہیں کھیل سکے۔ آپ یہ کہہ سکتے ہیں کہ ہمیں سنگل اور ڈبلز زیادہ لینے چاہئیں تھے۔ ہم اس پہ بیٹھ کر بات کریں گے۔

بولنگ کی کارکردگی پر تبصرہ

کپتان نے مزید کہا کہ میرے خیال میں ہمارے بولرز نے اچھی بولنگ کی، کیونکہ جب آپ 111 کا ہدف بچا رہے ہوں تو آپ کے پاس غلطی کی کوئی گنجائش نہیں ہوتی۔ لیکن میں سمجھتا ہوں کہ انہوں نے اچھی بولنگ کی۔ اصل مسئلہ ہماری بیٹنگ کا ہے، ہمیں اگلے میچ میں بہتر بیٹنگ کرنی ہوگی۔