خیبرپختونخوا اسمبلی کی مخصوص نشستوں پر کامیاب 25 ارکان نے حلف اٹھالیا

خیبرپختونخوا اسمبلی میں حلف برداری

پشاور (ڈیلی پاکستان آن لائن) خیبرپختونخوا اسمبلی کی مخصوص نشستوں پر کامیاب 25 ارکان نے حلف اٹھا لیا۔

یہ بھی پڑھیں: بھارتی جارحیت میں شہید ہونے والے 7 سالہ بچے کی نماز جنازہ ادا کردی گئی، وزیر اعظم اور آرمی چیف کی شرکت

اجلاس کی تفصیلات

خیبرپختونخوا اسمبلی کے اجلاس میں آج مخصوص نشستوں پر کامیاب 25 ارکان حلف نہیں اٹھا سکے تھے۔ اجلاس شروع ہوتے ہی کورم کی نشاندہی کی گئی تھی جس پر سپیکر بابر سلیم سواتی نے اجلاس 24 جولائی دوپہر دو بجے تک ملتوی کردیا۔

یہ بھی پڑھیں: پاکستانی شوبز کے وہ ستارے جو 2025 میں رخصت ہوگئے۔

اپوزیشن کا موقف

اس معاملے پر اپوزیشن جماعتیں پشاور ہائی کورٹ پہنچیں اور چیف جسٹس پشاور ہائی کورٹ نے حلف برداری کے لیے گورنر کو نامزد کیا۔ تاہم اب مخصوص نشستوں پر کامیاب ارکان اسمبلی نے حلف اٹھا لیا۔

یہ بھی پڑھیں: شیخوپورہ کے نزدیک کارحادثہ، تلاشی لینے پر ڈگی سے ایک شخص برآمد، یہ دراصل کون تھا؟ موٹروے پولیس کا بیان آگیا۔

تقریب حلف برداری

گورنر خیبرپختونخوا فیصل کریم کنڈی نے ارکان اسمبلی سے حلف لیا۔ تقریب حلف برداری گورنر ہاؤس میں ہوئی۔ جے یو آئی کی 7 خواتین اور 2 اقلیتی ارکان، مسلم لیگ ن کی 7 خواتین اور ایک اقلیتی رکن نے حلف اٹھایا۔ پیپلز پارٹی کی 4 خواتین اور ایک اقلیتی رکن اور اے این پی کی 2 اور پی ٹی آئی کی ایک خاتون حلف اٹھانے والوں میں شامل ہیں۔