خیبر پختونخوا اسمبلی میں سینیٹ کی 11 نشستوں پر الیکشن آج، 25 امیدوار میدان میں

کے پی اسمبلی میں سینیٹ انتخابات کی تیاری

پشاور(ڈیلی پاکستان آن لائن) مخصوص نشستوں پر ارکان کی حلف برداری کے بعد کے پی کا ایوان مکمل ہوگیا جس کے بعد خیبرپختونخوا اسمبلی میں سینیٹ کی 11 نشستوں پر الیکشن آج ہوگا۔

یہ بھی پڑھیں: وفاقی وزرا، وزرائے مملکت کی تنخواہوں، مراعات میں ترمیم کا آرڈیننس جاری

الیکٹورل کالج کا مکمل ہونا

نجی ٹی وی چینل دنیا نیوز کے مطابق سینیٹ الیکشن کیلئے الیکٹورل کالج مکمل ہوگیا، سینیٹر بننے کیلئے 25 امیدوار میدان میں ہیں، 145 ارکان اسمبلی ووٹ کاسٹ کریں گے۔

یہ بھی پڑھیں: دھرمیندر کی حالت تشویشناک

پولنگ کا وقت اور مقام

خیبر پختونخوا میں سینیٹ کی 11 نشستوں کیلئے پولنگ کا عمل صبح 11 بجے شروع ہوگا جو شام 4 بجے تک جاری رہے گا، الیکشن کیلئے کے پی اسمبلی کے جرگہ ہال کو الیکشن روم مقرر کیا گیا ہے اور اس موقع پر سکیورٹی کے بھی انتہائی سخت انتظامات کئے گئے ہیں۔

یہ بھی پڑھیں: تہذیبوں کے درمیان مکالمہ ہی امن، ترقی اور انسانیت کا راستہ ہے: وزیر اعلیٰ مریم نواز

ہارس ٹریڈنگ کی روک تھام

خیبر پختونخوا میں سینیٹ الیکشن کے دوران ہارس ٹریڈنگ سے بچنے کیلئے حکومت اور اپوزیشن نے 6 اور 5 نشستوں کا فارمولا طے کیا ہے، فارمولے کے مطابق حکومت کے حصے میں 6 جبکہ اپوزیشن کے حصے میں 5 نشستیں آئیں گی۔

یہ بھی پڑھیں: مئی تنازعے کے تقریباً ساڑھے 5 مہینے بعد رافیل پائلٹ شیوانگی سنگھ منظر عام پر آگئیں۔

امیدواروں کی تفصیلات

سینیٹ کی 7 جنرل، 2 خواتین اور 2 ٹیکنوکریٹ کی نشستوں پر 22 اُمیدوار میدان میں ہیں، 7 جنرل نشستوں پر 14 اُمیدوار قسمت آزمائی کریں گے، خیبرپختونخوا اسمبلی میں حکومتی ارکان کی تعداد 92 اور اپوزیشن کی 53 ہے، سینیٹ کی 11 نشستوں میں 6 سیٹیں حکومت جبکہ 5 اپوزیشن کو ملیں گی۔

یہ بھی پڑھیں: بھارتی غرور خاک میں ملانے پرپاکستانی عوام کا مسلح افواج کو خراج تحسین، ریلیاں نکالیں

پی ٹی آئی کے امیدوار

مراد سعید پی ٹی آئی کی جانب سے جنرل نشست پر انتخابات میں حصہ لے رہے ہیں، جبکہ نورالحق قادری اور فیصل جاوید آزاد حیثیت سے جنرل نشستوں پر پی ٹی آئی کے اُمیدوار ہیں۔

یہ بھی پڑھیں: ریموٹ سینسنگ سیٹلائٹ آفات سے بروقت خبردار کرنے اور دیگر شعبوں میں گیم چینجر ثابت ہوگا:وزیراعلیٰ مریم نواز

دیگر امیدواروں کی معلومات

مرزا محمد آفریدی آزاد حیثیت سے جنرل نشست پر پی ٹی آئی کے امیدوار ہیں، محمد طلحہ محمود جنرل نشست پر پیپلز پارٹی کے امیدوار ہیں جبکہ نیاز احمد جنرل نشست پر مسلم لیگ ن کے امیدوار ہیں۔

یہ بھی پڑھیں: فوج کی ہر ممکن مدد کریں گے، وزیرخزانہ کا بجٹ میں تنخواہ دار طبقے کیلئے بھی ریلیف کا اشارہ

خواتین کی مخصوص نشستیں

خیبر پختونخوا میں خواتین کی 2 مخصوص نشستوں پر 3 خواتین امیدوار میدان میں ہیں، پیپلز پارٹی کی روبینہ خالد اور پی ٹی آئی کی روبینہ ناز بھی خواتین کی مخصوص نشستوں پر اُمیدوار ہیں جبکہ ماہ وش علی خان آزاد حیثیت سے خواتین کی مخصوص نشستوں پر اُمیدوار ہیں۔

یہ بھی پڑھیں: توشہ خانہ ٹو کیس: عمران خان، بشریٰ بی بی کیخلاف فرد جرم کی کارروائی پھر موخر

پولنگ میں تاخیر کا خدشہ

خیبرپختونخوا میں سینیٹ الیکشن مقررہ وقت پر شروع نہ ہونے کا خدشہ ہے، اسمبلی کے تمام دروازوں کو تالے لگا کر بند کر دیا گیا ہے۔

انتخابات کی نگرانی

ذرائع کے مطابق سٹاف کو کسی صورت بھی اسمبلی ہال کے دروازے نہ کھولنے کی ہدایت کی گئی ہے، الیکشن کمیشن نے سینیٹ الیکشن کی پولنگ کیلئے 11 بجے کا وقت مقرر کیا ہے。