خیبر پختونخوا اسمبلی میں سینیٹ کی 11 نشستوں پر الیکشن آج، 25 امیدوار میدان میں

کے پی اسمبلی میں سینیٹ انتخابات کی تیاری

پشاور(ڈیلی پاکستان آن لائن) مخصوص نشستوں پر ارکان کی حلف برداری کے بعد کے پی کا ایوان مکمل ہوگیا جس کے بعد خیبرپختونخوا اسمبلی میں سینیٹ کی 11 نشستوں پر الیکشن آج ہوگا۔

یہ بھی پڑھیں: 15 فروری کے بعد پنجاب اسمبلی کے گھیراؤ اور دیگر آپشن کا اعلان کریں گے: حافظ نعیم الرحمان

الیکٹورل کالج کا مکمل ہونا

نجی ٹی وی چینل دنیا نیوز کے مطابق سینیٹ الیکشن کیلئے الیکٹورل کالج مکمل ہوگیا، سینیٹر بننے کیلئے 25 امیدوار میدان میں ہیں، 145 ارکان اسمبلی ووٹ کاسٹ کریں گے۔

یہ بھی پڑھیں: قومی ائیرلائن نے برطانیہ کے لیے فلائٹ آپریشن میں توسیع کا اعلان کردیا

پولنگ کا وقت اور مقام

خیبر پختونخوا میں سینیٹ کی 11 نشستوں کیلئے پولنگ کا عمل صبح 11 بجے شروع ہوگا جو شام 4 بجے تک جاری رہے گا، الیکشن کیلئے کے پی اسمبلی کے جرگہ ہال کو الیکشن روم مقرر کیا گیا ہے اور اس موقع پر سکیورٹی کے بھی انتہائی سخت انتظامات کئے گئے ہیں۔

یہ بھی پڑھیں: لاہور میں پہلا ویسٹ پاکستان سٹوڈنٹس کنونشن میں 110 طلباء نے شرکت کی، طلباء کے قیام و طعام کا انتظام رائل پارک کے ایک ہال نما کمرے میں کیا گیا۔

ہارس ٹریڈنگ کی روک تھام

خیبر پختونخوا میں سینیٹ الیکشن کے دوران ہارس ٹریڈنگ سے بچنے کیلئے حکومت اور اپوزیشن نے 6 اور 5 نشستوں کا فارمولا طے کیا ہے، فارمولے کے مطابق حکومت کے حصے میں 6 جبکہ اپوزیشن کے حصے میں 5 نشستیں آئیں گی۔

یہ بھی پڑھیں: ٹک ٹاک نے نئے فیچرز متعارف کروا دیئے

امیدواروں کی تفصیلات

سینیٹ کی 7 جنرل، 2 خواتین اور 2 ٹیکنوکریٹ کی نشستوں پر 22 اُمیدوار میدان میں ہیں، 7 جنرل نشستوں پر 14 اُمیدوار قسمت آزمائی کریں گے، خیبرپختونخوا اسمبلی میں حکومتی ارکان کی تعداد 92 اور اپوزیشن کی 53 ہے، سینیٹ کی 11 نشستوں میں 6 سیٹیں حکومت جبکہ 5 اپوزیشن کو ملیں گی۔

یہ بھی پڑھیں: حوالدار لالک جان شہید کی جرأت اوربہادری قوم کا فخر ہے: وزیر اعلیٰ پنجاب

پی ٹی آئی کے امیدوار

مراد سعید پی ٹی آئی کی جانب سے جنرل نشست پر انتخابات میں حصہ لے رہے ہیں، جبکہ نورالحق قادری اور فیصل جاوید آزاد حیثیت سے جنرل نشستوں پر پی ٹی آئی کے اُمیدوار ہیں۔

یہ بھی پڑھیں: سندھ رینجرز نے شہریوں کے اغوا میں ملوث بدنام زمانہ ملزم نور عرف منا ڈانسر کو گرفتارکرلیا

دیگر امیدواروں کی معلومات

مرزا محمد آفریدی آزاد حیثیت سے جنرل نشست پر پی ٹی آئی کے امیدوار ہیں، محمد طلحہ محمود جنرل نشست پر پیپلز پارٹی کے امیدوار ہیں جبکہ نیاز احمد جنرل نشست پر مسلم لیگ ن کے امیدوار ہیں۔

یہ بھی پڑھیں: فرانس کا ایمیزون جنگل میں خطرناک مجرموں کے لیے نئی ہائی سیکیورٹی جیل بنانے کا اعلان

خواتین کی مخصوص نشستیں

خیبر پختونخوا میں خواتین کی 2 مخصوص نشستوں پر 3 خواتین امیدوار میدان میں ہیں، پیپلز پارٹی کی روبینہ خالد اور پی ٹی آئی کی روبینہ ناز بھی خواتین کی مخصوص نشستوں پر اُمیدوار ہیں جبکہ ماہ وش علی خان آزاد حیثیت سے خواتین کی مخصوص نشستوں پر اُمیدوار ہیں۔

یہ بھی پڑھیں: غیر اعلانیہ لوڈشیڈنگ پر سندھ ہائیکورٹ برہم، کے الیکٹرک سے رپورٹ طلب

پولنگ میں تاخیر کا خدشہ

خیبرپختونخوا میں سینیٹ الیکشن مقررہ وقت پر شروع نہ ہونے کا خدشہ ہے، اسمبلی کے تمام دروازوں کو تالے لگا کر بند کر دیا گیا ہے۔

انتخابات کی نگرانی

ذرائع کے مطابق سٹاف کو کسی صورت بھی اسمبلی ہال کے دروازے نہ کھولنے کی ہدایت کی گئی ہے، الیکشن کمیشن نے سینیٹ الیکشن کی پولنگ کیلئے 11 بجے کا وقت مقرر کیا ہے。