چکوال میں غیرمعمولی بارشوں سے جاں بحق اور زخمی کے امدادی چیک پہنچا دیئے گئے

حکومتی امداد کی فراہمی

لاہور (ڈیلی پاکستان آن لائن) وزیر اعلیٰ پنجاب مریم نواز کی ہدایت پر رکن اسمبلی ملک تنویر اعوان اور ڈپٹی کمشنر چکوال سارہ حیات بارشوں کے دوران چھت گرنے سے جاں بحق ہونے والے باپ بیٹے کے گھر پہنچ گئیں اور وزیراعلیٰ مریم نواز کی طرف سے 25 لاکھ روپے کے چیک پیش کیے۔

یہ بھی پڑھیں: ملک میں سونے کی قیمت میں اضافہ، فی تولہ قیمت 3لاکھ 63 ہزار 700 روپے ہو گئی

سانحہ کی تفصیلات

موضع کھیوال میں گزشتہ دنوں غیر معمولی اور تیز بارش کے دوران گھر کی چھت گرنے سے باپ شعیب افضل اور بیٹا حیدر علی شدید زخمی ہوگئے جو کہ بعد میں جاں بحق ہوگئے تھے جبکہ شعیب افضل کی بیوی شدید زخمی ہوگئی۔ رکن پنجاب اسمبلی ملک تنویر اعوان اور ڈپٹی کمشنر چکوال سارہ حیات نے جاں بحق ہونے والے شعیب افضل اور حیدر علی کے لیے 10،10 لاکھ روپے جبکہ زخمی خاتون شعیب افضل کی بیوہ کے لیے 5 لاکھ روپے کے چیک پیش کیے۔ شعیب افضل کی بیوہ نے وزیراعلیٰ مریم نواز اور ان کی ٹیم کا شکریہ ادا کیا۔

تعزیتی پیغام اور دعا

رکن پنجاب اسمبلی ملک تنویر اعوان اور ڈپٹی کمشنر چکوال سارہ حیات نے وزیراعلیٰ مریم نواز کی طرف سے مرحوم کی بیوہ کو تعزیت کا پیغام دیا اور کہا کہ دکھ کی اس گھڑی میں حکومت پنجاب آپ کے ساتھ ہے۔ اس موقع پر مرحوم شعیب افضل اور مرحوم حیدر علی کے لیے فاتحہ خوانی اور زخمی خاتون کی صحت یابی کی دعا بھی کی گئی۔ ڈپٹی کمشنر چکوال سارہ حیات نے بتایا کہ ضلع چکوال میں بارشوں کے دوران جاں بحق ہونے والے دیگر افراد کو بھی حقیقی ورثاء کا تعین کر کے امدادی رقم کے چیک فوری طور پر پہنچا دیے جائیں گے۔