وزیراعلیٰ مریم نواز سے ڈپٹی سپیکر پنجاب اسمبلی ملک ظہیر اقبال چنڑ کی ملاقات

وزیراعلیٰ مریم نواز سے ملاقات

لاہور (ڈیلی پاکستان آن لائن) وزیراعلیٰ مریم نواز سے ڈپٹی سپیکر پنجاب اسمبلی ملک ظہیر اقبال چنڑنے ملاقات کی۔ ملاقات میں عمومی سیاسی صورتحال اور جنوبی پنجاب میں جاری ترقیاتی منصوبوں پر تفصیلی تبادلۂ خیال کیا گیا۔

یہ بھی پڑھیں: 1857ء کی جنگ آزادی کے دوران باغیوں کو پھانسیاں دی جاتی تھیں اور لاشوں کو لٹکتا چھوڑدیا جاتا تھا

ترقیاتی منصوبوں پر گفتگو

ڈپٹی سپیکر پنجاب اسمبلی ملک ظہیر اقبال چنڑ نے صوبے میں روڈز کی تعمیر و بحالی پر خراج تحسین پیش کیا۔ ڈپٹی سپیکر ملک ظہیر اقبال چنڑ نے بہاولپور میں برن سنٹر بنانے پر وزیراعلیٰ کا شکریہ بھی ادا کیا۔

یہ بھی پڑھیں: سونے کی فی تولہ قیمت میں 4 ہزار 200 روپے کمی

صحت کے منصوبے

ملک ظہیر اقبال چنڑ نے پنجاب بھر میں فیلڈ ہسپتال، کلینک آن ویل، مریم نواز ہیلتھ کلینک پراجیکٹ کو سراہا اور پنجاب ڈویلپمنٹ پروگرام کے تحت ہر شہر کی یکساں ترقی کے ویژن کو گیم چینجر قرار دیا۔ ڈپٹی سپیکر پنجاب اسمبلی نے ائیر ایمبولنس، فیلڈ ہسپتال اور تجاوزات کے خاتمے کیلئے اقدامات پر بھی وزیراعلیٰ کو خراج تحسین پیش کیا۔

یہ بھی پڑھیں: سکینڈل کے باوجود فاروق لغاری صدر منتخب ہو گئے، اُن کے صدر بننے کے بعد صورتحال عجیب و غریب ہو گئی، بے نظیربھٹو اورلغاری میں اختلافات ہو گئے

بہاولپور چلڈرن ہسپتال کا قیام

اس موقع پر عوام کی ضروریات کے پیش نظر بہاولپور میں چلڈرن ہسپتال کے قیام کی اصولی منظوری دی گئی۔ ملاقات میں بہاولپور کے سول ہسپتال کے قریب چلڈرن ہسپتال کی تعمیر پر اتفاق کیا گیا۔ وزیراعلیٰ نے بہاولپور چلڈرن ہسپتال پراجیکٹ کا پلان طلب کر لیا۔

یہ بھی پڑھیں: خفیہ بینک اکاؤنٹس اور رقم کی واپسی کا کیس: ایف آئی اے اور ایف بی آر سے رپورٹ طلب

وزیراعلیٰ کا عزم

وزیراعلیٰ مریم نواز نے گفتگو کرتے ہوئے کہا کہ پنجاب کی ترقی کے منصوبے میرے دل کے بے حد قریب ہیں۔ جنوبی پنجاب کے عوام کو بنیادی سہولتیں دہلیز پر فراہم کر رہے ہیں۔

عوام دوست فیصلے

ڈپٹی سپیکر پنجاب اسمبلی ملک ظہیر اقبال چنڑ نے کہا کہ وزیراعلیٰ مریم نواز کی قیادت میں پنجاب حقیقی ترقی کی راہ پر گامزن ہے۔ عوام دوست فیصلے مریم نواز کی حکومت کا طرۂ امتیاز ہیں۔