وزیراعظم نے ’’ڈیجیٹل ڈریپ سسٹم‘‘ کا افتتاح کر دیا

وزیراعظم شہباز شریف کا اقدام

اسلام آباد (ڈیلی پاکستان آن لائن) وزیراعظم شہباز شریف نے منسٹری آف نیشنل ہیلتھ سروسز کے تحت ’’ڈیجیٹل ڈریپ سسٹم‘‘ کا افتتاح کر دیا۔

یہ بھی پڑھیں: لاہور: سروسز ہسپتال میں پولیس اہلکاروں کا طبی عملے پر تشدد

ڈیجیٹلائزیشن کی تفصیلات

تفصیلات کے مطابق میڈیکل ڈیوائسز کی رجسٹریشن اور لائسنسنگ کے عمل کو ڈیجیٹلائز کر دیا گیا ہے۔ اب پاکستان کا ہر شہری میڈیکل ڈیوائسز کی رجسٹریشن اور لائسنسنگ کے لیے آن لائن درخواست دے سکے گا۔ ہر وہ چیز جو میڈیکل ڈیوائسز کے زمرے میں آتی ہے، اب اس کی رجسٹریشن کے لیے تخلیق کاروں کو برسوں انتظار نہیں کرنا پڑے گا۔

یہ بھی پڑھیں: جوہڑ میں نہاتے ہوئے 4 بچے ڈوب گئے

رجسٹریشن کی سہولتیں

یہ عمل پہلے برسوں میں انجام پاتا تھا اب تقریباً 20 دن میں مکمل ہو گا جس کی وجہ سے عوام کو میڈیکل ڈیوائسز کی قلت کا سامنا نہیں کرنا پڑے گا۔

یہ بھی پڑھیں: بھارت کی آبی دہشتگردی نے لاکھوں خاندانوں کو شدید نقصان پہنچایا ہے: وزیر تعلیم

عوامی تحفظ کو یقینی بنانا

یہ نظام ناقص یا غیر رجسٹرڈ میڈیکل ڈیوائسز کے خلاف فوری کارروائی کے لیے ٹریکنگ اور الرٹ کے ذریعے عوامی تحفظ کو بھی یقینی بنائے گا۔ اس سے درخواست گزار اپنی درخواست کو آن لائن، رئیل ٹائم ٹریک کر سکیں گے، اور یہ ایک خاموش انقلاب ثابت ہوگا۔

یہ بھی پڑھیں: راشد نصیر کا یو ٹیوبر عادل راجہ کے خلاف ہتک عزت کا مقدمہ، دوسرے دن کی سماعت

مینوفیکچررز اور امپورٹرز کے لیے نئے امکانات

پہلی بار، مینوفیکچررز اور امپورٹرز اپنی درخواستیں، دستاویزات، اور فیس مکمل طور پر آن لائن جمع کروا سکیں گے جس سے دفتر آنے کی ضرورت ختم ہو جائے گی۔

یہ بھی پڑھیں: سیلاب متاثرہ زرعی کمرشل صارفین کے اگست کے بجلی بل دسمبر تک مؤخر

نظام میں شفافیت اور جوابدہی

انسانی مداخلت ختم ہونے سے کرپشن کا امکان بھی ختم ہو جائے گا، جس سے نظام میں شفافیت اور جوابدہی بڑھے گی۔ بین الاقوامی معیار کو یقینی بنایا جائے گا اور ڈیجیٹل ویریفیکیشن اور بلٹ اِن چیکس کی مدد سے درخواستوں میں غلطیوں کی شرح کم ہو گی۔

یہ بھی پڑھیں: تنازعہ: راولپنڈی میں دو افراد کا قتل، اڑھائی لاکھ روپے کی کہانی

کاروبار میں آسانی اور سرمایہ کاری میں اضافہ

دیگر سرکاری ڈیٹا بیسز سے انضمام (integration) کے ذریعے معیار اور حفاظت کے اصولوں کو بہتر انداز میں نافذ کیا جا سکے گا۔ یہ اقدام کاروبار میں آسانی کو فروغ دے گا اور میڈیکل ڈیوائسز کے شعبے میں سرمایہ کاری کو بڑھائے گا، جس سے غیر ملکی سرمایہ کاروں کا بھی پاکستانی میڈیکل ڈیوائسز پر اعتماد بڑھے گا۔

یہ بھی پڑھیں: جنوبی کوریا میں مردوں کی تعداد کی شرح میں بڑی حد تک کمی کے باعث فوج کی تعداد میں کمی ہو گئی

معاشرتی فوائد

یہ اقدام وزیراعظم پاکستان کے ڈیجیٹل گورننس اور سرکاری نظام میں اصلاحات کے سفر میں ایک اہم سنگِ میل ہے۔ ہسپتالوں، امپورٹرز، اور مینوفیکچررز سمیت تمام اسٹیک ہولڈرز کو انتظامی بوجھ میں کمی اور مارکیٹ تک تیز رسائی کا فائدہ ہوگا۔

آنے والے فیچرز

اس نظام میں آئندہ دنوں میں خودکار تجدید، ایس ایم ایس/ای میل نوٹیفکیشنز، اور آڈٹ ٹریلز جیسے فیچرز بھی شامل کیے جائیں گے تاکہ ریگولیٹری کنٹرول مزید بہتر ہو سکے۔ وزیر اعظم شہباز شریف کا قوم سے کیا، آسانیوں، سہولتوں اور شفافیت کا ایک اور وعدہ پورا ہوا۔