جیل میں اخبارات، ٹی وی، ورزش کا سامان نہیں دیا جارہا، لباس اور بستر دینے میں تاخیر، معالج سے چیک اپ نہیں کرایا جارہا، عمران خان

عمران خان کی درخواست

اسلام آباد (ڈیلی پاکستان آن لائن) بانی پی ٹی آئی عمران خان نے جیل میں سہولیات نہ ملنے پر سپرنٹنڈنٹ اڈیالہ جیل کے خلاف اسلام آباد ہائیکورٹ میں درخواست دائر کردی۔ عمران خان نے وکلاء ظہیرعباس، عثمان گل، خالد یوسف کے ذریعے ہائیکورٹ سے رجوع کیا ہے جس میں انہوں نے جیل میں سہولیات کی استدعا کی ہے۔

یہ بھی پڑھیں: سیکیورٹی اداروں میں بغاوت کو ہوا دینے والا ملک کا دشمن ہے : آرمی چیف

درخواست کی تفصیلات

ایکسپریس نیوز کے مطابق درخواست میں کہا گیا ہے کہ سپرنٹنڈنٹ اڈیالہ جیل نے جیل سہولیات کی راہ میں رکاوٹ ڈالی ہے، اخبارات، ٹی وی، ورزش کے سامان تک رسائی نہیں دی جارہی، ذاتی لباس اور بستر فراہم کرنے میں تاخیر پیدا کی جارہی، ذاتی معالج سے چیک اپ کے لیے خلل ڈالا جارہاہے۔ عدالت سے منظور شدہ طبی پینل کے انتظامات کی خلاف ورزی کی جارہی۔

یہ بھی پڑھیں: شمالی کوریا کا نیا چال، بڑی دھمکی کا سامنا!

بجلی کی عدم فراہمی

درخواست میں عمران خان نے کہا ہے کہ جیل میں بلاجواز بجلی کی فراہمی منقطع کی جارہی ہے، عدالتی احکامات کے باوجود بیرونِ ملک بیٹوں کے ساتھ بات نہیں کروائی جارہی۔

افسر کی تعیناتی کی درخواست

درخواست میں استدعا کی گئی ہے کہ جیل میں سہولیات کی فراہمی کے لئے افسر تعینات کیا جائے اور ہفتہ وار تعمیلی رپورٹ جمع کروانے کا کہا جائے۔