پاکستان ریلوے کا سفر 244 ٹرینوں سے 104 تک کیسے پہنچا، سیکرٹری ریلوے کا بڑا انکشاف

ریلوے کی موجودہ صورتحال

اسلام آباد (ڈیلی پاکستان آن لائن) ریلوے حکام نے انکشاف کیا ہے کہ ایک وقت میں ملک بھر میں 244 ٹرینیں چلا کرتی تھیں، اب صرف 104 ٹرینیں چل رہی ہیں۔ سیکریٹری ریلویز نے سینیٹ کی قائمہ کمیٹی برائے ریلویز کو بریفنگ دیتے ہوئے بتایا کہ حکومت نے گزشتہ کئی سال سے محکمہ ریلوے میں کوئی سرمایہ کاری نہیں کی۔

یہ بھی پڑھیں: بشنوئی گینگ کی دھمکیوں کے بعد سلمان خان نے انتہائی مہنگی بلٹ پروف گاڑی خرید لی

سینیٹ میں ہونے والی بریفنگ

ایکسپریس نیوز کے مطابق سینیٹ قائمہ کمیٹی برائے ریلویز کا اجلاس جام سیف اللہ خان کی زیرِ صدارت پارلیمنٹ ہاؤس میں ہوا۔ سیکریٹری ریلویز نے قائمہ کمیٹی ارکان کو بریفنگ دیتے ہوئے بتایا کہ سی پیک کا سارا ڈیزائن جوائنٹ ہے، ٹیکنیکل سائڈ کا کام مکمل ہوچکا ہے، اور لاہور سے راولپنڈی تک نئی ٹرین کا آغاز کیا جا رہا ہے۔

یہ بھی پڑھیں: بھارت نے ارشد ندیم کا اکاؤنٹ بھی بلاک کردیا

کوئٹہ کی ٹرینوں کا معاملہ

سینیٹر اسد قاسم نے استفسار کیا کہ 10 سال پہلے کوئٹہ سے 10 ٹرینیں ملک بھر کے لیے چلتی تھیں، اب کوئٹہ سے 2 ٹرینیں چل رہی ہیں، بلوچستان کے ساتھ کیوں ناانصافی ہورہی ہے؟

یہ بھی پڑھیں: نوشکی میں آئل ٹینکرحادثے کا ایک اور زخمی چل بسا، ہلاکتوں کی تعداد 34 ہوگئی

سرمایہ کاری کی کمی

سیکریٹری ریلویز نے جواب دیا کہ اس سال ہمارا پی ایس ڈی پی محدود ہے۔ گزشتہ کئی سالوں سے ریلوے میں حکومت نے سرمایہ کاری نہیں کی، اور جب تک نئی کوچز نہیں آئیں گی، ریلوے محکمہ منافع میں نہیں آئے گا۔ انہوں نے مزید بتایا کہ کراچی اور لاہور کے علاوہ ریلوے کو کہیں سے منافع نہیں آرہا۔

کرپشن کی تحقیقات

چیئرمین کمیٹی نے آئندہ اجلاس میں ایف آئی اے اور نیب سے ریلوے کے کرپشن کیسز سے متعلق ریکارڈ طلب کر لیا ہے۔