حمیر ااصغر کے موبائل پر 6 فروری کو سرگرمی ریکارڈ کی گئی، اداکارہ کے سٹائلسٹ دانش کا دعویٰ

حمیرا اصغر کی گمشدگی کی نئی تفصیلات

کراچی (ڈیلی پاکستان آن لائن) مرحوم اداکارہ حمیرا اصغر کے اسٹائلسٹ دانش مقصود نے اداکارہ کی گمشدگی اور موت سے متعلق نئے تہلکہ خیز انکشافات کردیئے۔ ان انکشافات کے بعد پولیس نے تحقیقات کا آغاز کردیا ہے۔

یہ بھی پڑھیں: پاکستان کی معیشت کو حالیہ سیلابوں کے باعث ۸۲۲ ارب روپے کے بھاری نقصانات کا سامنا

دانش مقصود کے دعوے

دانش مقصود نے دعویٰ کیا ہے کہ حمیرا کے فون پر 5 فروری 2025 کے بعد سرگرمیاں ریکارڈ کی گئیں۔ ان کے مطابق، حمیرا سے آخری گفتگو 2 اکتوبر 2024 کو ہوئی تھی، جبکہ ان کا واٹس ایپ لاسٹ سین 7 اکتوبر کو دیکھا گیا تھا۔

یہ بھی پڑھیں: اے پی ایس سانحہ میں ملوث عناصر انسانیت کے مجرم ہیں: گورنر پنجاب

رابطے کی ناکامی

دانش نے بتایا کہ اکتوبر کے بعد انہوں نے کئی بار اداکارہ سے رابطہ کرنے کی کوشش کی، مگر نہ تو کالز کا جواب ملا اور نہ ہی بھیجے گئے پیغامات پڑھے گئے۔ جب طویل عرصے تک اداکارہ کی کوئی اطلاع نہیں ملی تو انہوں نے 5 فروری 2025 کو سوشل میڈیا پر حمیرا کی گمشدگی سے متعلق پوسٹ شیئر کی۔

یہ بھی پڑھیں: پنجاب کے سیلاب متاثرین میں وبائی امراض تیزی سے پھیلنے لگے، 24 گھنٹوں میں 33 ہزار سے زائد مریض رپورٹ

مشکوک حالات

انہوں نے مزید کہا کہ 6 فروری کو دوبارہ رابطہ کرنے کی کوشش کی تو واٹس ایپ پر اداکارہ کی ڈی پی غائب تھی اور لاسٹ سین بھی بند ہو چکا تھا، جو کہ مشکوک ہے۔

پولیس کی تحقیقات

ڈی آئی جی ساؤتھ اسد رضا نے تصدیق کی ہے کہ پولیس نے دانش مقصود سے رابطہ کر کے اسکرین شاٹس حاصل کر لیے ہیں اور تحقیقات کا باقاعدہ آغاز کردیا ہے۔