پنجاب کے 5 بڑے شہروں میں ’’سُکھ دا ویہڑا‘‘ فیملی کمپلیکس کے قیام کافیصلہ

اجلاس کی تفصیلات

لاہور (ڈیلی پاکستان آن لائن) وزیر اعلیٰ پنجاب مریم نواز کے وژن کے تحت پنجاب کے 5 بڑے شہروں میں ’’سُکھ دا ویہڑا‘‘ فیملی کمپلیکس کے قیام کے لیے اہم اجلاس ہوا۔

یہ بھی پڑھیں: ملک میں اس وقت ایچ آئی وی کے 84 ہزار افراد زیر علاج ہیں، فی مریض سالانہ تقریباً 300 سے 500 امریکی ڈالر خرچ کیے جاتے ہیں، مصطفیٰ کمال

اجلاس کا مقصد

تفصیلات کے مطابق صوبائی وزیر سوشل ویلفیئر و بیت المال پنجاب سہیل شوکت بٹ کی زیر صدارت ’’سُکھ دا ویہڑا‘‘ پروگرام کے تحت صوبے کے 5 بڑے شہروں میں فیملی سپورٹ اینڈ میڈیشن کمپلیکس کے قیام کے حوالے سے اہم اجلاس ہوا۔ اجلاس میں سیکرٹری سوشل ویلفیئر جاوید اختر محمود، ڈائریکٹر جنرل طارق قریشی، دیگر اعلیٰ افسران، جبکہ لاہور، راولپنڈی، فیصل آباد، ملتان اور گوجرانوالہ کے ڈویژنل کمشنرز نے بذریعہ زوم شرکت کی۔

یہ بھی پڑھیں: بشریٰ بی بی اور علی امین گنڈا پور کے خلاف ایک اور مقدمہ درج، دہشتگردی کی دفعہ شامل

اجلاس کی کارروائی

اجلاس میں کمپلیکس کے لیے موزوں اراضی کی فوری نشاندہی اور دیگر انتظامی امور پر تفصیلی غور و خوض کیا گیا۔

یہ بھی پڑھیں: پیٹرول کی قیمت میں 150 اور ڈیزل میں 250 روپے اضافہ روکا گیا، ہم سب کو بچت کے حوالے سے لائحہ عمل بنانا ہوگا: عطاء تارڑ

کمپلیکس کی خصوصیات

یہ جدید فیملی کمپلیکسز وزیر اعلیٰ پنجاب مریم نواز کے وژن کے مطابق قائم کیے جا رہے ہیں، جن کا مقصد خاندانی تنازعات کا باعزت اور مؤثر حل فراہم کرنا ہے۔ ’’سُکھ دا ویہڑا‘‘ میں فیملی کورٹس، ثالثی و مشاورت کی سہولیات، بچوں کے لیے ماہر نفسیات، گھریلو تشدد سے متاثرہ خواتین کے لیے تھراپی، قانونی رہنمائی، خواتین کے لیے باوقار انتظار گاہیں، آرام دہ کیفے اور بچوں کے لیے محفوظ کھیلوں کی جگہیں فراہم کی جائیں گی۔

سرپرستی اور رفتار

سہیل شوکت بٹ نے ہدایت کی کہ تمام متعلقہ محکمے باہمی مشاورت اور بھرپور رابطہ کاری کے ساتھ اس عوامی فلاح کے منصوبے کو تیز رفتاری سے مکمل کریں۔