بلوچ قوم کو لاحاصل جنگ کی طرف دھکیلا جا رہا ہے: وزیر اعلیٰ بلوچستان

وزیراعلیٰ بلوچستان کا بیان

کوئٹہ(ڈیلی پاکستان آن لائن) وزیراعلیٰ بلوچستان میر سرفراز بگٹی کا کہنا ہے کہ بلوچ قوم کو لاحاصل جنگ کی طرف دھکیلا جا رہا ہے، دہشت گرد ایک انچ زمین پر بھی دیرپا قبضہ نہیں کر سکتے۔

یہ بھی پڑھیں: ملک کے مختلف شہروں میں گرج چمک کے ساتھ بارش کی پیشگوئی

مسائل کے حل کے لیے ماضی کی حقیقت

کوئٹہ میں 16ویں نیشنل ورکشاپ بلوچستان کے شرکاء سے ملاقات کے بعد گفتگو کرتے ہوئے سرفراز بگٹی نے کہا کہ بلوچستان کے مسائل کو سمجھنے کے لیے ماضی کی حقیقت جاننا ضروری ہے۔ بلوچستان سے متعلق دیگر علاقوں میں پایا جانے والا تصور حقیقت کے منافی ہے۔ غیر متوازن ترقی یا بیروزگاری شورش کی اصل وجہ نہیں، حکومت سے نالاں نوجوانوں کے شکوے دور کر کے انہیں گلے لگائیں گے۔ تاہم ریاست مخالف کارروائیاں کرنے والوں سے آئین سے باہر بات ممکن نہیں۔

یہ بھی پڑھیں: ریاست مدینہ کی حقیقی بنیاد دیکھنی ہے تو “دھی رانی پروگرام” دیکھیں: سہیل شوکت بٹ کا اجتماعی شادی کی تقریب سے خطاب

امن و امان اور ترقی کے اقدامات

’’جیو نیوز‘‘ کے مطابق سرفراز بگٹی نے کہا کہ بلوچستان میں امن کے لیے صوبائی ایکشن پلان تشکیل دے دیا گیا ہے۔ سیکیورٹی فورسز گرے زونز میں آپریٹ کر رہی ہیں، دوست اور دشمن کی پہچان مشکل ہے۔ تاہم دہشت گرد ایک انچ زمین پر بھی دیر پا قبضہ نہیں کر سکتے۔ لاپتہ افراد سے متعلق جامع قانون سازی کی جا چکی ہے، بلوچ قوم کو لاحاصل جنگ کی طرف دھکیلا جا رہا ہے۔ گورننس اور سروس ڈلیوری نظام میں اصلاحات لا رہے ہیں، صحت و تعلیم میں 99 فیصد بھرتیاں میرٹ پر ہوئیں، طلبہ کو قومی و عالمی اسکالرشپس دے رہے ہیں۔

قتل کی تحقیقات

وزیر اعلیٰ بلوچستان کا کہنا تھا کہ سنجیدہ ڈیگاری مرد و خاتون کے بہیمانہ قتل کی تحقیقات جاری ہیں۔ مقتولین کے ورثا میں سے کوئی ایف آئی آر کے اندراج کے لیے نہیں آیا، مقدمے کی مدعی ریاست ہے۔