سگے بیٹے کا ماں پر چھریوں سے حملہ، بزرگ والدین کے خلاف سگے بیٹے کا تشدد اور جائیداد پر قبضہ کی شکایت

کھلی کچہری کا انعقاد

لاہور (ڈیلی پاکستان آن لائن) ڈی جی آئی آپریشنز فیصل کامران کی جانب سے کھلی کچہری کا انعقاد کیا گیا، جس میں شہریوں کی جانب سے شکایات کے انبار لگا دیئے ہیں۔

یہ بھی پڑھیں: ججوں کا کام ٹکر بنوانا، کسی کو رسوا کرنا یا ڈانٹا نہیں بلکہ انصاف دینا ہے، پرویز رشید

خواتین کی شکایت پر فوری ایکشن

ایک خاتون نے سگے بیٹے کی جانب سے چھریوں سے حملے سے متعلق شکایت کی، جس پر ڈی آئی جی آپریشنز فیصل کامران نے بزرگ خاتون کی شکایت پر فوری ایکشن لیتے ہوئے ایس پی سول لائنز کو خاتون کو ہر ممکن تحفظ فراہم کرنے کی ہدایت کر دی۔

یہ بھی پڑھیں: مائیکرو سافٹ کے شریک بانی بل گیٹس نے دو روسی خواتین کے ساتھ غیر ازدواجی تعلقات کا اعتراف کر کے معافی مانگ لی

والدین کے حقوق کا تحفظ

بورھے باپ نے بھی سگے بیٹے کے خلاف تشدد اور جائیداد پر قبضہ کی شکایت کی۔ جس پر ڈی آئی جی آپریشنز نے ایس ایچ او مناواں کو پیرنٹس ایکٹ کے تحت کارروائی کی ہدایت کر دی۔ ڈی آئی جی آپریشنز نے کہا کہ دین اسلام ہمیں والدین سے حسن سلوک کرنے کا حکم دیتا ہے، غیر قانونی عمل کرنے والے جیل جائیں گے۔

یہ بھی پڑھیں: کشمیریوں اور فلسطینیوں کے حالات بہت کچھ کرنے کی طرف توجہ دلاتے ہیں، آرمی چیف جنرل عاصم منیر

خواتین پر گھریلو تشدد کی شکایات

کھلی کچہری میں خواتین پر گھریلو تشدد کی موصول شکایات پر فوری ایکشن لیا گیا۔ ایس پی سول لائنز، ایس ایچ اوز شادباغ، اور شاہدرہ ٹاؤن بعد از تصدیق کارروائی کا حکم دیا گیا۔

عوامی شکایات کی اہمیت

ڈی آئی جی آپریشنز فیصل کامران نے کہا کہ عوامی شکایات کے ازالے کیلئے روزانہ کی بنیاد پر کھلی کچہری ہوتی ہے۔ شہری مکمل بھروسے اور اعتماد کے ساتھ شکایات لائیں، فوری ایکشن ہو گا۔