سوتیلی بیٹی کو مبینہ زیادتی کا نشانہ بنانے اور بلیک میل کرنے والا باپ گرفتار

باپ کی گرفتاری

راولپنڈی (ڈیلی پاکستان آن لائن) تھانہ صادق آباد پولیس نے سوتیلی بیٹی کو مبینہ زیادتی کا نشانہ بنانے اور بلیک میل کرنے والے باپ کو گرفتار کرلیا ہے۔ گرفتار ملزم بے نظیر ہسپتال میں ملازم ہے ۔

یہ بھی پڑھیں: مائنوریٹی کارڈز کے اجراءکا اعلان،اقلیتیں پاکستان کی شان اور ترقی کا اہم حصہ ہیں:وزیر خزانہ پنجاب

مقدمہ کی تفصیلات

سوتیلی بیٹی نے پولیس کو مقدمہ درج کراتے ہوئے بتایا کہ والدہ نے عرفان سرور نامی شخص سے دوسری شادی کر رکھی ہے، ہم 2 بہنیں سوتیلے والد کے ساتھ رہتی ہیں۔ 5 سال قبل جب میں جماعت نہم میں تھی تو سوتیلا والد مجھے ریسکیو 1122 کی عمارت کی عقبی جانب ایک کالونی میں لے گیا اور مبینہ زیادتی کا نشانہ بنایا۔ سوتیلے والد نے دھمکیاں دیں کہ کسی کو نہ بتانا، وہ مجھے اکثر بلیک میل کرتا کہ اگر تعلق میں رہو گی تو تعلیم جاری رکھواؤں گا۔ اس کے علاوہ جہاں موقع ملتا میرے ساتھ نازیبا حرکات کرتا اور دھمکیاں دیتا کہ میرے ہاتھ کی صفائی کا تو پتا ہی ہے؛ اگر کسی کو بتایا تو مار دوں گا۔

تحقیقات کا عمل

ایکسپریس نیوز کے مطابق ایس ایچ او صادق آباد لقمان جاوید کا کہنا تھا کہ انکوائری کے بعد مقدمہ درج کیا گیا اور ملزم کو گرفتار کرلیا گیا ہے۔ مزید تفتیش جاری ہے، ملزم کا ڈی این اے ٹیسٹ بھی کروایا جائے گا، تفتیش میں مزید صورتحال واضح ہوگی۔