اے جی آفس نے لاہور میں سرکاری ادائیگی اور بلوں کی پیمنٹ کا آن لائن نظام نافذ کر دیا

اکاؤنٹنٹ جنرل پنجاب کا نیا آن لائن نظام

لاہور (ڈیلی پاکستان آن لائن) اکاؤنٹنٹ جنرل پنجاب کی طرف سے لاہور میں سرکاری ادائیگی اور بلوں کی پیمنٹ کا آن لائن نظام نافذ کر دیا گیا ہے۔ ماہ رواں کے آخر تک اس کا دائرہ کار پورے پنجاب تک بڑھا دیا جائے گا۔

یہ بھی پڑھیں: بھارتی بحریہ کا اسرائیل کے اشتراک سے تیار کردہ درمیانے فاصلے تک مار کرنے والے میزائل کا تجربہ

نگرانی اور ہدایات

کنٹرولر جنرل آف اکاؤنٹس مقبول احمد گوندل کی ہدایت پر اکاؤنٹنٹ جنرل پنجاب نامانہ گل رخ فرید ذاتی طور پر آن لائن بلنگ سلوشن اور مائیکرو پیمنٹ گیٹ ویز کے نظام کی نگرانی کر رہی ہیں۔

یہ بھی پڑھیں: پنجاب ایسڈ کنٹرول بل 2025: متفقہ طور پر منظور، خطرناک کیمیکلز کی خرید و فروخت، ذخیرہ اور تقسیم پر سخت ضوابط عائد

نظام کا مقصد

اس نظام کا مقصد شفافیت کو فروغ دینا، مینول سسٹم کے دوران ہونے والی غلطیوں کو کم کرنا اور دفتری کاروائی میں کاغذ کے استعمال کو کم کرنا ہے۔

یہ بھی پڑھیں: پیپلز پارٹی کے سینئر رہنما فرحت اللّٰہ بابر نے ایف آئی اے سے کونسا ریکارڈ مانگ لیا۔۔؟ تفصیلات جانیے

تربیتی سیشنز

اس نظام پر کامیابی سے عمل درآمد یقینی بنانے کے لیے ایڈیشنل اکاؤنٹنٹ جنرل پنجاب فائقہ خورشید کی زیر نگرانی 250 سے زیادہ محکموں کے ڈرائنگ اینڈ ڈسپرسنگ آفیسرز کے لیے تربیتی سیشنز کا انعقاد کیا جا چکا ہے۔

آن لائن بلنگ سسٹم کی خصوصیات

ڈپٹی اکاؤنٹنٹ جنرل رولز اقصیٰ لودھی نے کہا کہ آن لائن بلنگ سسٹم الیکٹرانک بلوں کی تیاری، انتظام اور نگرانی کے لیے ایک مرکزی پلیٹ فارم مہیا کرتا ہے جو سرکاری محکموں اور شہریوں کی خدمات کے درمیان میں محفوظ اور خودکار ادائیگیوں کی سہولت فراہم کرتا ہے۔ یہ نظام نہ صرف تاخیر یا ناکامی کو روکے گا بلکہ عوامی سیکٹر میں کارکردگی، شفافیت اور جواب دہی کو بھی فروغ دے گا۔