عمران خان کے دستخط شدہ بیٹ کی نیلامی کیلئے 10 کروڑ کی پیشکش، خاتون کارکن کا بیچنے سے انکار
عمران خان کا دستخط شدہ بیٹ
لاہور (ڈیلی پاکستان آن لائن) پی ٹی آئی کی ایک خاتون کارکن نے انکشاف کیا ہے کہ انہیں عمران خان نے بیٹ پر اپنے دستخط کر کے دیئے تھے، جس کی نیلامی کے لیے 5 اور 10 کروڑ روپے کی آفرز کی گئیں ہیں۔ تاہم، اسے بیچنے کا دل نہیں کرتا کیونکہ یہ ان کا عمران خان سے محبت کا ثبوت ہے۔
یہ بھی پڑھیں: فون کی تلاش میں خاتون گہرے شگاف میں جا گریں، سات گھنٹے تک پھنسی رہیں۔
ویڈیو کا وائرل ہونا
سوشل میڈیا پر ایک خاتون کی ویڈیو وائرل ہو رہی ہے جس میں وہ پی ٹی آئی کی خاتون رہنما خدیجہ شاہ اور سلمان اکرم راجہ کے پاس آتی ہیں اور ان کے سامنے ایک بیٹ دستخط کے لیے پیش کرتی ہیں۔ جب وہ بیٹ کو دیکھتے ہیں، تو اس پر عمران خان کے دستخط موجود ہوتے ہیں۔
یہ بھی پڑھیں: دریائے سوات میں سیاحوں کی موت نہیں بلکہ تحریک انصاف کے نظام کی موت ہوئی ہے، عطا اللہ تارڑ
دستخط پر ردعمل
عمران خان کے دستخط دیکھ کر سلمان اکرم راجہ کہتے ہیں کہ اس پر کسی اور کے دستخط نہ لیں جبکہ خدیجہ شاہ کہتی ہیں کہ اسے خراب نہ کریں، اس پر بانی کے دستخط موجود ہیں۔ اس دوران ایک شخص ویڈیو بنا رہا ہے اور خاتون سے پوچھتا ہے کہ یہ دستخط کب کیے گئے تھے۔ خاتون جواب دیتی ہیں کہ عمران خان نے جب لاہور سے ریلی لے کر چلے تھے اور 9 مارچ کو وزیرآباد میں انہیں ٹانگ پر گولی لگی تھی، تو اسی بیٹ پر انہوں نے اس ریلی سے دو دن قبل دستخط کیے تھے۔
محبت اور دلی جذبات
ویڈیو بنانے والا شخص کہتا ہے کہ آپ تو اس کی نیلامی بھی کر سکتی ہیں، جس پر خاتون جواب دیتی ہیں کہ یہ ہمارا پیار ہے، میرا دل نہیں مانتا اسے نیلام کرنے کے لیے۔ نیلامی کے لیے لوگوں نے 5 اور 10 کروڑ تک کی آفرز کی ہیں، لیکن میں اسے کسی کو نہیں دینا چاہتی۔
گولی لگنے سے دو دن پہلے خان صاحب نے اس بیٹ پر دستخط کیا تھا، ابھی تک 5 سے 10 کروڑ روپے تک آفرز آئے ہیں
لیکن اس بیٹ کو بیچنے کا دل نہیں کر رہاایک غریب خاتون کارکن کی گفتگو ❤️ pic.twitter.com/MjRThBVze7
— Faisal Khan (@KaliwalYam) July 23, 2025
