وزیر اعلیٰ پنجاب مریم نواز کی میٹرک کے بورڈ امتحانات میں پوزیشن ہولڈر بچوں کو مبارکباد اور شاباش

وزیر اعلیٰ پنجاب کی مبارکباد

لاہور (ڈیلی پاکستان آن لائن) وزیر اعلیٰ پنجاب مریم نواز نے سماجی رابطہ کی ویب سائٹ ’’ایکس‘‘ پر بورڈ امتحانات کے پوزیشن ہولڈر بچوں کو مبارکباد اور شاباش دی ہے۔

یہ بھی پڑھیں: بینظیر انکم سپورٹ پروگرام کے مستحقین تک رقوم پہنچانے کے لیے 6 بینک سالانہ ساڑھے 4 ارب روپے سروس چارجز وصول کرتے ہیں، حکام

پوزیشن ہولڈر طلباء و طالبات کی تعریف

وزیراعلیٰ مریم نواز نے کہا کہ تمام بورڈ امتحانات میں اعلیٰ نمبر حاصل کرنے والے ذہین طلباء و طالبات کو دل کی گہرائیوں سے مبارکباد پیش کرتی ہوں۔ دسویں جماعت کے امتحانات میں پنجاب بھر میں مشترکہ طور پر حرم فاطمہ (قصور) ایک سرکاری سکول ٹیچر کی قابل فخر بیٹی نے پہلی پوزیشن حاصل کی۔ لودھراں کے ہارون حامد سرکاری کالج کے پروفیسر کے صاحبزادے ہیں۔

یہ بھی پڑھیں: عدل وانصاف کی بالادستی معاشرتی ترقی کا ضامن ہے : وومن اسلامک لائرز فورم کے سالانہ کنونشن سے مقررین کا خطاب

بچوں کی محنت کی قدر

وزیراعلیٰ مریم نواز نے کہا کہ بچوں کی محنت اور لگن نے آج انہیں اس مقام تک پہنچایا ہے۔ پوزیشن ہولڈر بچوں کے والدین کو بھی خراج تحسین پیش کرتی ہوں جن کی مسلسل رہنمائی اور حوصلہ افزائی ان کے ساتھ رہی۔

مستقبل کی یقین دہانی

میں سب کو یقین دلاتی ہوں کہ امتحانات میں میرٹ کو ہمیشہ فروغ دیا جائے گا اور اس پر کبھی سمجھوتہ نہیں ہوگا۔ پوزیشن ہولڈرز ہی ہمارے وطن کا مستقبل ہیں۔