ٹک ٹاکر ثناء یوسف قتل کیس میں اہم پیشرفت، عمرحیات ہی قاتل قرار، چالان پراسیکیوشن برانچ جمع

اسلام آباد میں ٹک ٹاکر کی قتل کیس میں پیشرفت

اسلام آباد (ویب ڈیسک) نوعمر ٹک ٹاکر ثناء یوسف قتل کیس میں اہم پیشرفت سامنے آئی ہے۔ اس کیس میں عمر حیات نامی لڑکے نے دوستی نہ کرنے پر گھر میں گھس کر فائرنگ کر کے ثناء یوسف کو قتل کردیا۔

یہ بھی پڑھیں: دنیا کے آلودہ ترین شہروں میں رئیل ٹائم ایئر کوالٹی مانیٹرنگ سسٹم ہی موجود نہیں، چونکا دینے والا انکشاف

پولیس کی کارروائی

پولیس نے چالان پراسیکوشن برانچ میں جمع کرا دیا ہے، جس میں ملزم عمر حیات کو ہی قاتل قرار دیا گیا ہے۔

یہ بھی پڑھیں: سعودی عرب نے پاکستان کے حج کوٹے میں اضافہ کردیا

عدالتی چالان کی تفصیلات

تفصیل کے مطابق اسلام آباد کی ڈسٹرکٹ اینڈ سیشن کورٹ میں جمع کردہ چالان میں نوجوان عمر حیات کو قاتل قرار دیا گیا ہے اور اس کے 164 کے تحت اعترافی بیان کا حوالہ بھی شامل ہے۔ اب راجہ نوید کیانی اور محمد عدنان پر مشتمل پراسیکوشن کی دو رکنی ٹیم چالان کی جانچ پڑتال کرے گی۔

ٹرائل کا آغاز

عدالتی ذرائع کے مطابق سکروٹنی مکمل ہونے پر چالان عدالت میں جمع ہوگا، جس کے بعد متعلقہ جج کے روبرو ٹرائل کا آغاز کیا جائے گا۔