گلوکاری شروع کی تو خاندان والوں نے والد سے تعلق توڑ دیے، معروف گلوکارہ حمیرا چنا

حمیرا چنا کا گلوکاری کا سفر

لاہور (ڈیلی پاکستان آن لائن) معروف گلوکارہ حمیرا چنا نے انکشاف کیا ہے کہ ان کی جانب سے گلوکاری شروع کرنے پر ان کے خاندان والوں اور خصوصی طور پر ان کے چچا نے بھی ان کے والد سے تعلقات ختم کردیے تھے۔

یہ بھی پڑھیں: سینیٹر فیصل واوڈا کی 7 سالہ بیٹی شنایا نے سوئمنگ چیمپئن شپ میں کانسی کا تمغہ جیت لیا

مزاحیہ پروگرام میں شرکت

حمیرا چنا نے حال ہی میں مزاحیہ پروگرام ’مذاق رات‘ میں شرکت کی، جہاں انہوں نے مختلف معاملات پر کھل کر بات کی۔ انہوں نے بتایا کہ ان کے والد فلم پروڈیوسر تھے، جنہوں نے آغاز میں سندھی اور بعد ازاں پنجابی اور اردو فلمیں بھی پروڈیوس کیں۔ ان کی والدہ کی بھی فنون لطیفہ سے دلچسپی رہی۔

یہ بھی پڑھیں: بھارتی میڈیا جھوٹی خبریں چلا رہا ہے، میں نے کسی سے معذرت نہیں کی، محسن نقوی

خاندان کی رائے

ان کا کہنا تھا کہ اگرچہ والدین کی فنون لطیفہ سے دلچسپی کی وجہ سے انہیں گلوکاری مشکل نہ لگی لیکن انہیں اپنا نام بنانے اور مواقع ملنے میں شدید مشکلات رہیں۔ حمیرا چنا نے بتایا کہ گلوکاری کرنے پر ان کے والد سے خاندان والوں نے تعلق توڑ دیا تھا اور انہیں طعنے دیتے تھے کہ وہ بیٹی سے گانے گواتے پھرتے ہیں۔

یہ بھی پڑھیں: کوہستان مالیاتی اسکینڈل، نیب نے گرفتار ملزمہ کی نشاندہی پر گھر میں چھپائے گئے 20 کروڑ روپے برآمد کرلیے

چچا کا رویہ

ان کے چچا نے بھی ان کے والد سے تعلقات توڑ دیے تھے لیکن ان کے مشہور ہونے کے بعد تمام خاندان والوں نے تعلقات بحال کیے اور فخر سے لوگوں کو بتانے لگے کہ حمیرا چنا ان کی ہی بیٹی ہیں۔

یہ بھی پڑھیں: اب سڑک پہ روک کر آپ کا چالان نہیں کیا جائے گا، 5 دفعہ چالان ہوا تو 1 لاکھ جرمانہ ہوگا، گاڑی چلانے والوں کے خلاف پولیس نے کمر کس لی

محبت اور شادی کی سوچ

ایک سوال کے جواب میں حمیرا چنا نے بتایا کہ کیریئر بنانے اور گلوکاری سے محبت کے چکر میں انہیں کبھی کسی مرد سے عشق نہیں ہوا، نہ انہیں ایسا کبھی خیال آیا۔ لیکن شادی کے بعد انہوں نے اپنے شوہر کو مجازی خدا مانا اور ان سے ہی محبت کی۔

محبت کے بارے میں خیالات

انہوں نے یک طرفہ محبت کو بھی فضول اور وقت کا نقصان قرار دیا اور کہا کہ ان کے خیال میں نکاح اور شادی کے بعد ہی محبت کی جانی چاہیے۔