جدہ کرکٹ کلب کے کھلاڑیوں کے لیے نئے ٹریک سوٹس کی تقریب رونمائی، عقیل آرائیں کا خصوصی اعلان

نئے ٹریک سوٹس کی رونمائی

جدہ (محمد اکرم اسد) جدہ کرکٹ کلب کے زیر اہتمام ایک پُروقار تقریب میں کھلاڑیوں کے لیے نئے ٹریک سوٹس کے ڈیزائن کی رونمائی کی گئی۔ تقریب میں بڑی تعداد میں کھلاڑیوں اور معزز مہمانوں نے شرکت کی۔

مہمانوں کی خاص حیثیت

تقریب کے مہمان خصوصی مقامی کمپنی کے مینجنگ ڈائریکٹر اور بزنس کمیونٹی جدہ کے صدر عقیل آرائیں تھے، جبکہ مہمانانِ خاص میں معروف بزنس مین اور سماجی شخصیات مبشر افضل چیمہ، انجم اقبال وڑائچ، عبدالماجد خان، مرزا محمود الحسن اور ماجد سعید خان شامل تھے۔

مہمان خصوصی کا پیغام

مہمان خصوصی عقیل آرائیں نے تقریب سے خطاب کرتے ہوئے کہا کہ گیمنگ ٹیکنالوجی کے اس دور میں نوجوانوں کو فزیکل ایکٹیوٹی کی طرف راغب رکھنا صدقہ جاریہ کے مترادف ہے۔ انہوں نے خوبصورت ٹریک سوٹس ڈیزائن کرنے پر مرزا مدثر کا شکریہ ادا کیا اور اعلان کیا کہ ان کی کمپنی کی جانب سے جدہ کرکٹ کلب کو 100 ٹریک سوٹس تحفے میں دیے جائیں گے۔

مستقبل کی امیدیں

انہوں نے اس امید کا اظہار بھی کیا کہ جدہ کرکٹ کلب مستقبل میں سعودی عرب کے بڑے کرکٹ ٹورنامنٹس میں بھرپور شرکت کرے گا۔

سراہنا اور نصیحت

تقریب سے خطاب کرتے ہوئے مبشر افضل چیمہ اور وسیم احمد نے کلب کی کرکٹ کے فروغ کے لیے کی جانے والی کوششوں کو سراہا اور کھلاڑیوں کو ڈسپلن برقرار رکھنے کی تلقین کی۔

سالگرہ کا جشن

تقریب کا اختتام سالگرہ کا کیک کاٹنے سے ہوا، جس میں عقیل آرائیں کی سالگرہ کے موقع پر سب نے نیک تمناؤں کا اظہار کیا۔ کلب کے آرگنائزر وسیم احمد اور شیخ خالد نے تمام مہمانوں کی آمد پر شکریہ ادا کیا۔