چکوال: مسافر بس کھائی میں جا گری، 8 افراد جاں بحق، 18 زخمی

موٹر وے ایم 2 پر حادثہ

چکوال(ڈیلی پاکستان آن لائن) موٹر وے ایم 2 پر بس کھائی میں گرنے سے 8 افراد جاں بحق ہوگئے۔

یہ بھی پڑھیں: رتن ٹاٹا وصیت میں اپنے کتے کیلئے بھی حصص چھوڑ گئے

حادثے کی تفصیلات

نجی ٹی وی چینل دنیا نیوز کے مطابق ریسکیو حکام کا کہنا ہے کہ حادثہ چکوال میں موٹر وے ایم 2 پر ڈھوک سیال کے قریب پیش آیا جہاں بس کھائی میں جا گری، جس کے نتیجے میں 8 افراد جان کی بازی ہار گئے جبکہ 18 زخمی ہیں۔ مسافر بس اسلام آباد سے لاہور جا رہی تھی۔

یہ بھی پڑھیں: چیمپئینز ٹرافی؛ پی سی بی نے سمیر احمد کو اہم عہدہ دیدیا

ریسکیو کی کارروائی

ترجمان ریسکیو کا کہنا ہے کہ جاں بحق اور زخمیوں کو ٹراما سینٹر کلرکہار اور ڈی ایچ کیو ہسپتال منتقل کر دیا گیا ہے۔

یہ بھی پڑھیں: کرم میں جھڑپیں، مزید 5 افراد جاں بحق، 8 روز میں اموات کی تعداد 107 ہوگئی

جامشورہ میں حادثہ

دوسری جانب جامشورہ میں نوری آباد کے قریب مسافر بس اور ٹرک میں تصادم سے 2 افراد جاں بحق جبکہ 10 زخمی ہوگئے۔

پولیس کی رپورٹ

پولیس کے مطابق جاں بحق ہونے والوں میں ٹرک ڈرائیور اور بس کا ہیلپر شامل ہے۔ زخمیوں کو ہسپتال منتقل کر دیا گیا ہے، متعدد کی حالت تشویشناک ہے۔ مسافر کوچ کراچی سے لاڑکانہ جا رہی تھی۔