سانحہ بلوچستان: مقتولہ بانو بی بی، ان کے شوہر کا شناختی کارڈ، بچوں کا ب فارم منظر عام پر آگیا۔
دوہرے قتل کا معاملہ
کوئٹہ (ڈیلی پاکستان آن لائن) بلوچستان میں دوہرے قتل کا معاملہ، دیگاڑی میں غیرت کے نام پر قتل ہونے والی بانو بی بی اور ان کے شوہر نور محمد کا شناختی کارڈ اور بچوں کا ب فارم منظر عام پر آگیا۔
یہ بھی پڑھیں: صوبائی حکومتیں بجلی کے بلوں کی مد میں 146 ارب روپے کی نادہندہ
مقتولہ کی معلومات
نجی ٹی وی چینل دنیا نیوز کے مطابق شناختی کارڈ میں مقتولہ بی بی بانو کی تاریخ پیدائش یکم جولائی 1985 درج ہے۔ اس وقت بانو بی بی کی عمر 40 سال تھی۔ مقتولہ بانو بی بی کی زوجیت محمد نور درج ہے.
یہ بھی پڑھیں: باجوڑ میں بم دھماکا، اسسٹنٹ کمشنر، پولیس اہلکاروں سمیت 4 افراد شہید، 11 زخمی
شوہر کی معلومات
مقتولہ کے شوہر نور محمد کی عمر یکم جنوری 1987 درج ہے، اور شناختی کارڈ کے مطابق مقتولہ کے شوہر کی عمر 38 سال ہے۔ ب فارم میں مقتولہ کے 5 بچوں کے نام درج ہیں۔
بچوں کی عمر
بانو بی بی کے بڑے بیٹے کا نام نور احمد ہے جو 15 سال کا ہے، دوسرا بیٹا باسط خان 14 سال کا ہے۔ بانو بی بی کی تیسری بیٹی بی بی فاطمہ کی عمر 10 سال ہے، چوتھی بیٹی بی بی صادقہ کی عمر 7 سال ہے، اور چھوٹے بیٹے ذاکر احمد کی عمر 6 سال ہے۔
