سانحہ بلوچستان: مقتولہ بانو بی بی، ان کے شوہر کا شناختی کارڈ، بچوں کا ب فارم منظر عام پر آگیا۔
دوہرے قتل کا معاملہ
کوئٹہ (ڈیلی پاکستان آن لائن) بلوچستان میں دوہرے قتل کا معاملہ، دیگاڑی میں غیرت کے نام پر قتل ہونے والی بانو بی بی اور ان کے شوہر نور محمد کا شناختی کارڈ اور بچوں کا ب فارم منظر عام پر آگیا۔
یہ بھی پڑھیں: دہشتگردوں کے خلاف رواں سال ہونے والے آپریشنز کی تفصیلات جاری، سب سے زیادہ انٹیلیجنس بیسڈ آپریشن کس صوبے میں کیے گئے؟ جانیے
مقتولہ کی معلومات
نجی ٹی وی چینل دنیا نیوز کے مطابق شناختی کارڈ میں مقتولہ بی بی بانو کی تاریخ پیدائش یکم جولائی 1985 درج ہے۔ اس وقت بانو بی بی کی عمر 40 سال تھی۔ مقتولہ بانو بی بی کی زوجیت محمد نور درج ہے.
یہ بھی پڑھیں: عمران خان اور دیگر اسیروں کی رہائی کے لئے کاوش اچھی بات ہے لیکن میں کسی تحریک کا حصہ نہیں ہوں،اسد عمر
شوہر کی معلومات
مقتولہ کے شوہر نور محمد کی عمر یکم جنوری 1987 درج ہے، اور شناختی کارڈ کے مطابق مقتولہ کے شوہر کی عمر 38 سال ہے۔ ب فارم میں مقتولہ کے 5 بچوں کے نام درج ہیں۔
بچوں کی عمر
بانو بی بی کے بڑے بیٹے کا نام نور احمد ہے جو 15 سال کا ہے، دوسرا بیٹا باسط خان 14 سال کا ہے۔ بانو بی بی کی تیسری بیٹی بی بی فاطمہ کی عمر 10 سال ہے، چوتھی بیٹی بی بی صادقہ کی عمر 7 سال ہے، اور چھوٹے بیٹے ذاکر احمد کی عمر 6 سال ہے۔
