سموگ تدارک کیس؛ ییلو ٹرین منصوبے پر تفصیلی رپورٹ طلب

لاہور ہائیکورٹ کا فیصلہ

لاہور(ڈیلی پاکستان آن لائن) سموگ کے تدارک کے لیے دائر درخواست پر لاہور ہائیکورٹ نے ییلو ٹرین منصوبے پر تفصیلی رپورٹ طلب کر لی۔ عدالت نے کہا کہ ایڈووکیٹ جنرل پنجاب ذاتی حیثیت میں رپورٹ سمیت پیش ہوں۔

یہ بھی پڑھیں: اتوار کو بھارت کو شکست دینے کے لیے میدان میں اتریں گے، بنگلہ دیش سے جیت کر سلمان علی آغا کا بیان

سموگ سے متعلق سماعت

نجی ٹی وی چینل دنیا نیوز کے مطابق سموگ کے تدارک کے لیے دائر درخواست پر ہائیکورٹ میں سماعت ہوئی، جسٹس شاہد کریم نے سموگ سے متعلق درخواست پر سماعت کی۔

یہ بھی پڑھیں: مہنگائی اور قوت خرید: رواں سال عید الاضحیٰ پر قربانی میں کتنی کمی واقع ہوئی؟

سڑکوں کی بحالی کا حکم

لاہور کی 3 سڑکوں کے سروس روڈز کی بحالی کا حکم دیتے ہوئے عدالت نے کہا کہ ٹیپا سروس روڈز کی مرمت ایک ماہ میں مکمل کرے، جیل روڈ، مال روڈ، اور ایم ایم عالم روڈ کے سروس روڈز بحال کیے جائیں۔

یہ بھی پڑھیں: مکران کوسٹل ہائی وے پر کوچ اور ایل پی جی ٹرک میں تصادم سے 7 افراد جاں بحق

محکمہ ماحولیات کا مطالبہ

محکمہ ماحولیات سے ہیوی ٹریفک اور موٹر سائیکلوں سے متعلق پلان طلب کرتے ہوئے عدالت نے کہا کہ حکومت نے اتنی بڑی فورس بنا دی لیکن وہ کام کیا کر رہی ہے؟ حکومت نے فورس بنائی ہے تو فالو اپ بھی رکھے، فالو اپ عدالت نے تو نہیں لینا، حکومت نے اتنا پیسہ لگا کر فورس بنائی، فالو اپ بھی رکھے، وہ ای بائیکس جو لی تھیں وہ کہاں چل رہی ہیں؟ کیا ای بائیکس گھروں میں چل رہی ہیں؟

یہ بھی پڑھیں: کراچی میں رواں برس سٹریٹ کرائم کے کتنے ہزار واقعات رپورٹ ہوئے اورکتنے ہزارموبائل فونز چھینے گئے؟ جان کر آپ کے ہوش ٹھکانے آ جائیں

پالیسی سازی اور عدالتی نتائج

وکیل ای پی اے نے کہا کہ پالیسی بنا رہے ہیں، جوڈیشل واٹر کمیشن سے شیئر کریں گے۔ عدالت نے کہا کہ ملتان میٹرو بس پر اربوں روپے ضائع کیے گئے، ییلو ٹرین پر اعتراض نہیں، انٹرنیشنل ماہرین شامل کریں۔ امید ہے کہ کینال روڈ منصوبے پر حکومت حساس ہوگی۔

یہ بھی پڑھیں: بھارت نے فرانس سے اہم جنگی ہتھیار خرید لیا

واسا کی کارکردگی

عدالت نے واسا کو جمعہ تک کام مکمل کرنے کا حکم دیتے ہوئے کہا کہ اگر کام مکمل نہ ہوا تو واسا کیخلاف کارروائی ہوگی۔ واسا نے لاہور میں کھدائی شروع کی تھی، کہاں تک پہنچی؟ واسا نے برسات سے قبل یہ سب کام مکمل کرنا تھا، ممبر جوڈیشل واٹر کمیشن نے کہا کہ واسا کا کام ابھی تک مکمل نہیں ہوا۔

اگلی سماعت کا اعلان

عدالت نے ییلو ٹرین منصوبے پر تفصیلی رپورٹ طلب کر لی، ایڈووکیٹ جنرل پنجاب کو ذاتی حیثیت میں حاضر ہونے کا حکم دیا۔ عدالت نے واسا کے ڈی کو بھی ذاتی حیثیت میں طلب کر لیا، اور کہا کہ واسا کے ڈی جی تعمیراتی کام سے متعلق آ کر آگاہ کریں۔ عدالت نے سماعت یکم اگست تک ملتوی کردی۔