پی ٹی آئی کے 4 کارکنوں کی امن عامہ ایکٹ کے تحت سزا معطل

اسلام آباد کی عدالت کا فیصلہ

اسلام آباد(ڈیلی پاکستان آن لائن) ڈسٹرکٹ اینڈ سیشن کورٹ اسلام آباد نے پاکستان تحریک انصاف (پی ٹی آئی) کے 4 کارکنوں کی امن عامہ ایکٹ کے تحت سزا معطل کر دی۔

یہ بھی پڑھیں: یوٹرن نہیں لیا، پاکستانیوں کے بھارت میں کام نہ کرنے کے موقف پر قائم ہوں :نادیہ خان

کیس کی سماعت

نجی ٹی وی چینل دنیا نیوز کے مطابق جوڈیشل مجسٹریٹ مرید عباس کی عدالت میں کیس کی سماعت ہوئی، چاروں ملزمان کی جانب سے وکیل سردار مصروف، آمنہ علی اور زاہد ڈار عدالت پیش ہوئے۔

یہ بھی پڑھیں: وزیرِ اعظم ای سی او سربراہی اجلاس میں شرکت کیلئے آذربائیجان پہنچ گئے

معطل کی گئی سزائیں

عدالت نے پی ٹی آئی کے جن 4 ملزمان کی سزا معطل کی ان میں دانش، عیسیٰ، اعجاز اور محمد عیسیٰ شامل ہیں۔ عدالت کی جانب سے 30 دن کے اندر اپیل دائر کرنے کی ہدایت کر دی گئی۔

ماضی کا پس منظر

یاد رہے کہ پی ٹی آئی کے 4 ملزمان کو تھانہ ترنول میں درج مقدمہ میں چھ، چھ ماہ کی سزا ہوئی تھی۔