پیپرلیس پالیسی: وزیراعلیٰ کے پی علی امین گنڈاپور نے پہلی ای سمری پر دستخط کردیئے

پشاور میں نئی تبدیلیاں

پشاور(ڈیلی پاکستان آن لائن) خیبرپختونخوا حکومت نے سمری کی منظوری کا طریقہ کار ای سمری پر منتقل کردیا۔

یہ بھی پڑھیں: گوادر میں دستی بم حملہ، پولیس مقابلے میں اہلکار شہید، ایک دہشت گرد مارا گیا

ای سمری کا آغاز

نجی ٹی وی چینل جیو نیوز کے مطابق خیبر پختونخوا میں ای سمری کے اجرا، دفتری امور اور فائل ورک کو پیپرلس بنانے کی طرف اہم پیشرفت ہوئی ہے۔

یہ بھی پڑھیں: پوری قوم دہشتگردی کے خاتمے کیلئے متحد ہے،وزیر اعلیٰ کا خیبر پختونخوا میں شہید ہونیوالے 6 جوانوں کوخراج عقیدت

پہلا ای سمری دستخط

گزشتہ روز صوبے میں پہلی بار سمری کو دستخط کے لیے کاغذ کے بجائے سوفٹ کاپی میں بھیجا گیا، جو وزیراعلیٰ علی امین گنڈاپور کو آن لائن سسٹم کے ذریعے موصول ہوئی۔ بعد ازاں وزیراعلیٰ کے پی نے پہلی ای سمری پر دستخط کیے۔

یہ بھی پڑھیں: امید ہے پوپ رابرٹ پرووسٹ دنیا کو رواداری کے رشتے میں جوڑنے کے مشن کو آگے بڑھائیں گے: مریم نواز

ڈیجیٹائزیشن کا عمل

اس موقع پر وزیراعلیٰ کے پی نے کہا کہ سرکاری مراسلے، اعلامیے اور حکم نامے بھی ڈیجیٹائز کیے جا رہے ہیں۔ اجلاسوں کے لیے ورکنگ پیپرز اور دیگر امور کو ای سسٹم پر منتقل کیا جا رہا ہے۔

وسائل کی بچت

علی امین گنڈاپور نے مزید کہا کہ اس اقدام سے وقت کی بچت ہوگی اور وسائل کے ضیاع کو بھی روکا جا سکے گا۔ ہم عمران خان کے وژن کے مطابق خیبرپختونخوا کو ڈیجیٹیل بنائیں گے۔