عالمی منڈی میں خام تیل کی قیمتوں میں اضافہ

خام تیل کی قیمتوں میں اضافہ

نیویارک(ڈیلی پاکستان آن لائن)عالمی منڈی میں خام تیل کی قیمتوں میں اضافہ ہوگیا۔

برینٹ کروڈ اور لائٹ کروڈ آئل کی قیمتیں

پیر کو لندن انٹرکانٹینینٹل ایکسچینج میں کاروباری سرگرمیوں کے دوران برینٹ کروڈ خام تیل کی قیمت 0.40 ڈالر بڑھ کر 68.84 ڈالر فی بیرل ہو گئی جبکہ نیویارک مرکنٹائل ایکسچینج میں لائٹ کروڈ آئل (ڈبلیو ٹی آئی)کی قیمت 0.34 ڈالر اضافے سے 65.50 ڈالر فی بیرل ریکارڈ کی گئی۔

یورپی یونین اور امریکہ کے درمیان ٹیرف معاہدہ

دوسری جانب یورپی یونین اور امریکہ کے درمیان ٹیرف معاہدے کے بعد یورپ اور ایشیا کی سٹاک مارکیٹس میں اضافہ ریکارڈ کیا گیا۔

ٹیرف معاہدے کی تفصیلات

ٹیرف معاہدے کے تحت امریکہ یورپی برآمدات پر 15 فیصد بنیادی ٹیرف نافذ کرے گا۔ امریکی صدر ٹرمپ نے کہا کہ ہم نے معاہدہ کر لیا ہے، یہ سب کے لیے فائدہ مند ہے اور ممکنہ طور پر اب تک کا سب سے بڑا معاہدہ ہے۔ نئے ٹیرف میں یورپی گاڑیاں، ادویات اور سیمی کنڈکٹرز شامل ہوں گے۔