خیبر پختونخوا حکومت نے ڈیجیٹل گورننس سسٹم کا آغاز کر دیا

خیبر پختونخوا کی حکومت کا اہم اقدام

لاہور (ڈیلی پاکستان آن لائن) خیبر پختونخوا حکومت نے ڈیجیٹل گورننس کی جانب اہم قدم اٹھاتے ہوئے سرکاری امور کو پیپر لیس بنانے کی جانب نمایاں پیشرفت کی ہے۔ وزیر اعلیٰ خیبر پختونخوا علی امین گنڈا پور نے پہلی باضابطہ ای سمری پر دستخط کرکے ڈیجیٹل گورننس سسٹم کا آغاز کر دیا۔

یہ بھی پڑھیں: کیا یہ وہی ریکٹر ہیں جنہیں ویل چیئر پر سپریم کورٹ لایا گیا؟ جسٹس حسن اظہر رضوی کا یونیورسٹی وکیل سے استفسار

پہلی ای سمری کا اجراء

پہلی ای سمری گزشتہ روز وزیر اعلیٰ کو آن لائن سسٹم کے ذریعے موصول ہوئی تھی، جس پر وزیر اعلیٰ نے ڈیجیٹل دستخط کر دیئے۔ وزیر اعلیٰ علی امین گنڈا پور کا کہنا ہے کہ اگلے مرحلے میں ڈیجیٹل نوٹ پارٹ کا بھی اجرا کیا جا رہا ہے۔ اس کے علاوہ سرکاری مراسلوں، اعلامیوں اور حکم ناموں کو بھی ڈیجیٹائز کیا جا رہا ہے۔

یہ بھی پڑھیں: 12 سے 16 اکتوبر تک شادی ہالز، کیفے، ریسٹورنٹ اور سنوکر کلب بند کرنے کا حکم

مقاصد اور فوائد

انہوں نے کہا کہ یہ اقدام تاخیری حربوں کے خاتمے، محکموں کی استعداد کار بڑھانے اور عوامی خدمات کو مؤثر انداز میں پہنچانے کے لیے اٹھایا گیا ہے۔

وزیر اعلیٰ کی جانب سے ٹوئٹ

وزیر اعلی @AliAminKhanPTI کی قیادت میں خیبر پختونخوا حکومت کا ڈیجیٹل گورننس کے شعبے میں ایک اور سنگ میل. وزیراعلی کی منظوری کے لئے بھیجے جانے والے سمریوں کو ای۔سمری پر منتقل کردیا گیا۔ وزیراعلی علی امین گنڈاپور نے پہلی باضابطہ ای۔سمری پر دستخط کردیے۔ pic.twitter.com/27P9GSfBkB

— Government of KP (@GovernmentKP) July 28, 2025