سرگودھا میں چھیڑنے سے منع کرنے پر خاتون کو قتل کرنے والا گرفتار، نشان عبرت بنائیں گے : چیئرپرسن پنجاب ویمن پروٹیکشن اتھارٹی

دلخراش واقعہ کوٹ مومن میں

سرگودھا (ڈیلی پاکستان آن لائن) سرگودھا کے علاقے کوٹ مومن میں پیش آنے والے دلخراش واقعہ میں ایک شادی شدہ خاتون، سفینہ عباس، کو چھیڑخانی کی شکایت کرنے پر گولی مار کر قتل کر دیا گیا۔

یہ بھی پڑھیں: پاکستان سوشل سینٹر شارجہ میں بانی پاکستان قائدِاعظمؒ محمد علی جناح کے یومِ پیدائش کے سلسلہ میں تقریب، کیک کاٹا گیا

چیئرپرسن کا سخت نوٹس

چیئرپرسن پنجاب ویمن پروٹیکشن اتھارٹی، حنا پرویز بٹ، نے اس واقعے کا سخت نوٹس لیتے ہوئے پولیس کو ملزم کو کیفر کردار تک پہنچانے کی ہدایت کی ہے۔

یہ بھی پڑھیں: بارڈر ٹریڈ کی بندش نے عوام کو معاشی بدحالی میں دھکیل دیا ہے، ڈاکٹر عبدالمالک بلوچ

سفینہ عباس کا بہادری کا عمل

چیئرپرسن نے اپنے بیان میں کہا کہ سفینہ نے ظلم پر خاموش رہنے کے بجائے آواز بلند کی، اور اس کی قیمت اُس نے اپنی جان سے چکائی۔ یہ قتل صرف ایک عورت کا نہیں، بلکہ پورے معاشرے کے ضمیر پر ضرب ہے۔

یہ بھی پڑھیں: لاہور میں شوہر نے بیوی کو تشدد کر کے مار ڈالا

قانون کی محافظی

میں واضح کر دینا چاہتی ہوں کہ اس پنجاب میں درندوں کو قانون سے پناہ نہیں ملے گی۔ مرکزی ملزم گرفتار ہو چکا ہے، اور ہم اُسے قانون کے مطابق عبرت کا نشان بنائیں گے۔

متاثرہ خاندان کی معاونت

انہوں نے مزید کہا کہ وزیر اعلیٰ پنجاب مریم نواز کی خصوصی ہدایات پر متاثرہ خاندان کو ہر ممکن قانونی، نفسیاتی اور سماجی معاونت فراہم کی جا رہی ہے۔ یہ مریم نواز کا پنجاب ہے، جہاں خواتین کے آنسو زمین پر گرنے سے پہلے انصاف پہنچتا ہے۔