سرگودھا میں چھیڑنے سے منع کرنے پر خاتون کو قتل کرنے والا گرفتار، نشان عبرت بنائیں گے : چیئرپرسن پنجاب ویمن پروٹیکشن اتھارٹی
دلخراش واقعہ کوٹ مومن میں
سرگودھا (ڈیلی پاکستان آن لائن) سرگودھا کے علاقے کوٹ مومن میں پیش آنے والے دلخراش واقعہ میں ایک شادی شدہ خاتون، سفینہ عباس، کو چھیڑخانی کی شکایت کرنے پر گولی مار کر قتل کر دیا گیا۔
یہ بھی پڑھیں: سرگودھا کے نجی ہسپتال میں ڈاکٹروں کی مبینہ غفلت، دورانِ آپریشن خاتون جاں بحق
چیئرپرسن کا سخت نوٹس
چیئرپرسن پنجاب ویمن پروٹیکشن اتھارٹی، حنا پرویز بٹ، نے اس واقعے کا سخت نوٹس لیتے ہوئے پولیس کو ملزم کو کیفر کردار تک پہنچانے کی ہدایت کی ہے۔
یہ بھی پڑھیں: پاک بھارت کشیدگی، ایشیاکپ 2025 کا مستقبل غیر یقینی صورتحال کا شکار ہوگیا
سفینہ عباس کا بہادری کا عمل
چیئرپرسن نے اپنے بیان میں کہا کہ سفینہ نے ظلم پر خاموش رہنے کے بجائے آواز بلند کی، اور اس کی قیمت اُس نے اپنی جان سے چکائی۔ یہ قتل صرف ایک عورت کا نہیں، بلکہ پورے معاشرے کے ضمیر پر ضرب ہے۔
یہ بھی پڑھیں: ستاروں کی روشنی میں آپ کا آج (جمعرات) کا دن کیسا رہے گا؟
قانون کی محافظی
میں واضح کر دینا چاہتی ہوں کہ اس پنجاب میں درندوں کو قانون سے پناہ نہیں ملے گی۔ مرکزی ملزم گرفتار ہو چکا ہے، اور ہم اُسے قانون کے مطابق عبرت کا نشان بنائیں گے۔
متاثرہ خاندان کی معاونت
انہوں نے مزید کہا کہ وزیر اعلیٰ پنجاب مریم نواز کی خصوصی ہدایات پر متاثرہ خاندان کو ہر ممکن قانونی، نفسیاتی اور سماجی معاونت فراہم کی جا رہی ہے۔ یہ مریم نواز کا پنجاب ہے، جہاں خواتین کے آنسو زمین پر گرنے سے پہلے انصاف پہنچتا ہے۔
