حکومت کا الیکٹرک بائیکس 2 سال کی اقساط پر دینے کا فیصلہ
الیکٹرک گاڑیوں اور بائیکس کا فروغ
اسلام آباد (ڈیلی پاکستان آن لائن) پیٹرول اور ڈیزل کے بجائے الیکٹرک گاڑیوں اور بائیکس کو فروغ دینے کے لیے وفاقی حکومت نے ایک لاکھ 16 ہزار الیکٹرک بائیکس 2 سالوں کی اقساط پر دینے کا فیصلہ کیا ہے۔
یہ بھی پڑھیں: لاہور پولیس پیچھے پیچھے ہے 9 مئی کا ماسٹر مائنڈ آگے آگے ہے: عظمیٰ بخاری
اقساط اور سبسڈی اسکیم
ذرائع کے مطابق الیکٹرک بائیکس کے لیے اقساط اور سبسڈی اسکیم تیاری کے آخری مراحل میں داخل ہوگئی، وزیر اعظم شہباز شریف یوم آزادی پر نئی ای وی پالیسی اسکیم کا اعلان بھی کریں گے۔ اسٹیٹ بینک اور بینک ایسوسی ایشن کی جانب سے اسکیم تیار کی جا رہی ہے، جس کے تحت فی الیکٹرک بائیک اور رکشہ پر 50 ہزار کی سبسڈی دی جائے گی۔ اس اسکیم کے تحت اہلیت کے لیے عمر کی حد 18 سے 65 سال تک ہوگی۔
یہ بھی پڑھیں: آلودہ ترین شہروں میں لاہور کا پہلا نمبر، آج سے سکولوں کے اوقات تبدیل
بائیک کی قیمت اور سبسڈی
فی الیکٹرک بائیک کی قیمت 2 لاکھ 50 ہزار روپے تک مقرر ہونے کا تخمینہ ہے جبکہ 50 ہزار کی سبسڈی اور بقیہ 2 لاکھ سے زائد رقم اقساط میں ادا کرنا ہوں گی۔
یہ بھی پڑھیں: لیئم پین کا سنیپ چیٹ پر آخری پیغام اور پھر ہوٹل کی بالکونی سے گر کر موت
لائسنس ہولڈرز اور ہدف
ذرائع کے مطابق 17 کمپنیاں الیکٹرک بائیکس بنانے کے لیے لائسنس حصول میں کامیاب ہوئیں، پالیسی کے تحت 2030 تک 30 فیصد الیکٹرک وہیکلز کا ہدف مقرر ہے۔ ای وی پالیسی کی کامیابی کے لیے 5 سال میں 100 ارب کی سبسڈی دی جائے گی۔
یہ بھی پڑھیں: عیدالاضحیٰ، کیا واقعی اونٹ کا گوشت کھانے کے بعد وضو دوبارہ کرنا پڑتاہے؟ ایک ایسا سوال جس کا جواب ہر مسلمان کو معلوم ہونا چاہئے
سبسڈی کی تقسیم
رواں مالی سال کے لیے 9 ارب، 2027 کے لیے 19 ارب، سال 2028 میں 24 ارب سے زائد اور سال 2029 میں 26 ارب سے زائد سبسڈی مختص ہوگی۔ سال 2030 میں سبسڈی کی مد میں تقریباً 23 ارب مختص ہوں گے۔
یہ بھی پڑھیں: جماعت اسلامی کے اجتماع ’’بدل دو نظام‘‘ کا آغاز ہو گیا، بڑی تعداد میں مرد و خواتین کی شرکت، قوم کو مایوس نہیں چھوڑ سکتے: حافظ نعیم الرحمان کا افتتاحی خطاب
20230 تک کی تیاری کا ہدف
سال 2030 تک 22 لاکھ 13 ہزار الیکٹرک گاڑیوں کی تیاری کا ہدف مقرر کیا گیا ہے۔ پالیسی کے تحت سال 2040 تک 90 فیصد الیکٹرک گاڑیوں کے ہدف کا تخمینہ ہے۔ زیرو ایمشن وہیکل فلیٹ 100 فیصد تک مکمل حاصل کرنے کی مدت 2060 ہوگی۔
ماحولیاتی فوائد
الیکٹرک وہیکل پالیسی کے فروغ سے درآمدی فیول کی لاگت میں کمی آئے گی جبکہ ماحول دوست الیکٹرک گاڑیوں سے ماحولیاتی آلودگی کا خاتمہ ممکن ہو سکے گا۔
